حالىقارالىق اسكەري ويىنداردا قازاقستاندىقتار 14 ەلدى باسىپ وزدى
بۇل تۋرالى ق ر ق م باسپا ءسوز قىزمەتى حابارلادى.
قازاقستاندىق اسكەري قىزمەتشىلەردەن قۇرالعان توپ ون ءۇش بايقاۋدىڭ نەبارى ءتورت ءتۇرى بويىنشا عانا سايىسقا ءتۇستى، اتاپ ايتساق، تانك بياتلونى، اۆيادارتس، كاسپيلىك دەربي جانە كاسپي كۋبوگى. دەگەنمەن، قازاقستاندىق اسكەريلەر سايىستىڭ ءتورت تۇرىنە عانا قاتىسقانىنا قاراماستان، ولار وزدەرى سىنعا تۇسكەن بايقاۋلاردان عانا ەمەس، 17 مەملەكەتتەن قاتىسقان 57 توپ اراسىندا جالپى توپتىق ەسەپتە كوشباستاۋشى ورىندى يەلەنىپ وتىر.
ءبىرىنشى ورىندا تۇرعان رەسەي فەدەراتسياسى 13 سايىستىڭ بارلىعىنا، ال ەكىنشى ورىنداعى - قىتاي 12 بايقاۋعا قاتىسۋدا. ءتورتىنشى ورىندا - بەلارۋس (9 بايقاۋعا قاتىسۋدا)، بەسىنشى - ۆەنەسۋەللا (4 بايقاۋعا قاتىسۋدا) كومانداسى.
بۇگىن الابينو پوليگونىندا ءبىزدىڭ تانكىشىلەر «تانك بياتلونى» بايقاۋىنىڭ جارتىلاي فينالىنداعى تارتىستى جالعاستىراتىن بولادى. جەكە سايىستى باستار الدىندا قازاقستان مەن رەسەي اراسىنداعى نەگىزگى تارتىس باستالعان بولاتىن. ەكى ەلدىڭ ەكيپاجدارى بىرنەشە ۇپاي ايىرماشىلىقتارى بولعانىمەن، ءىس جۇزىندە بىردەي كەلدى. بۇگىنگى ەستافەتادا «تانك بياتلونى-2015» بايقاۋىنىڭ ەڭ مىقتى جالعىز جەڭىمپاز توبى انىقتالاتىن فينالىنا قاتىسۋشىلار بەلگىلى بولماق.
