سۋعا قۇلاعان كولىكتىڭ ىشىندە 14 ساعات جاتقان قىز ءتىرى قالدى

«امەريكانىڭ يۋتا شتاتىندا وزەننىڭ ارناسىنا قۇلاپ كەتكەن كولىك كابيناسىندا 14 ساعات جاتقان 18 ايلىق قىز ءتىرى قالعان»، - دەلىنگەن حابارلامادا.

سۋ استىنا باتىپ جاتقان جەڭىل كولىكتى جەرگىلىكتى بالىقشى كورىپ قالىپتى. ول سوسىن دەرەۋ قۇتقارۋ قىزمەتىنە قوڭىراۋ شالادى. پوليتسيا لەيتەنانتى مەتت دجونسوننىڭ ايتۋىنا قاراعاندا، اۋدارىلىپ جاتقان ماشينانىڭ ىشىنەن كىشكەنتاي قىز تابىلعان. مۇندا ءبىر جارىم ايلىق ليلي گروسبەك كولىكتەگى كرەسلوعا تاڭىلعان كۇيى باسىن تومەن قاراتىپ قالعان. كابينانىڭ ىشىنە اقىرىن كىرىپ جاتقان سالقىن سۋدا ول 14 ساعاتقا جۋىق تۇرعان.

ال قىزدىڭ 25 جاستاعى اناسى لينن گروسبەك جۇرگىزۋشىنىڭ ورىندىعىندا ءولى كۇيىندە تابىلعان. قىز دەرەۋ اۋرۋحاناعا جاتقىزىلدى. دارىگەرلەر ونىڭ جاعدايى تۇراقتى اۋىر دەپ باعالاعان. جول-كولىك وقيعاسىنىڭ سەبەپتەرى انىقتالىپ جاتىر. پوليتسەيلەردىڭ بولجاۋىنشا، اۆتوموبيلدىڭ تەجەگىشى ىستەمەي قالعان.

egemen.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى