پرەزيدەنتتىككە كانديداتتار سانى 14 ادامعا جەتتى

بۇل تۋرالى بۇگىن ق ر ورتالىق سايلاۋ كوميسسياسىنىڭ مۇشەسى ءلاززات سۇلەيمەن ءمالىم ەتتى.

«2-9 - ناۋرىز ارالىعىندا ورتالىق سايلاۋ كوميسسياسىنا ازاماتتاردان 14 ءوتىنىش كەلىپ ءتۇستى. ولاردىڭ بىرەۋى پارتيا اتىنان، 13 ادام ءوزىن- ءوزى ۇسىندى. تۇرعىن سىزدىقوۆ قازاقستان حالىقتىق كوممۋنيستىك پارتياسى اتىنان ۇسىنىلعان بولاتىن»، - دەدى ول.

ل. سۇلەيمەنوۆانىڭ ايتۋىنشا، ورتالىق سايلاۋ كوميسسياسى قازىرگى ۋاقىتتا وسى ازاماتتاردىڭ قازاقستان رەسپۋبليكاسىنىڭ كونستيتۋتسياسىنا جانە «سايلاۋ» تۋرالى زاڭىنا سايكەستىگىن تەكسەرىپ جاتىر. ءتيىستى سۇرانىستار باس پروكۋراتۋراعا جانە ىشكى ىستەر مينيسترلىگىنە جىبەرىلدى.

«ق ر پرەزيدەنتتىگىنە كانديداتتاردىڭ مەملەكەتتىك ءتىلدى ەركىن مەڭگەرگەندىگىن ايقىندايتىن لينگۆيستيكالىق كوميسسيا ءوزى جۇمىسىن تۇراقتى تۇردە اتقارىپ جاتىر. 2 ازاماتقا سىرعابايەۆ اسقار جوراباي ۇلى مەن الداجانوۆ سايفوللا قالاباي ۇلىنا مەملەكەتتىك ءتىلدى ەركىن مەڭگەرمەگەن دەگەن شەشىم شىعارىلدى. 6 ناۋرىز كۇنى قويشيەۆا ليمانا مەملەكەتتىك ءتىلدى ەركىن مەڭگەرگەندىگى تۋرالى انىقتاما الىپ، ازاماتتاردىڭ اراسىندا ءوزىن قولداۋ قولىن جيناۋعا كىرىسىپ كەتتى»، - دەدى و س ك مۇشەسى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى