قازاقستاندىق 14 جاستاعى فۋتبولشى فرانسيانى مويىنداتتى

كلۋب ديرەكتورى ارايك ادامياننىڭ ايتۋىنشا، جاس سپورتشىنىڭ سپورتتىق الەۋەتى جاقسى جانە ەرەسەك فۋتبولشىلارمەن ءبىر دەڭگەيدە وينايدى. ول - كوماندانىڭ كوشباسشىلارىنىڭ ءبىرى ءارى بومباردير.

قازاقستاندىق فۋتبولشى سپورتپەن 2010 -جىلى رەسپۋبليكاداعى ۇزدىك سانالاتىن «لوكوموتيۆ- يۋنيور» سپورت مەكتەبىندە باستايدى. ول از ۋاقىتتىڭ ىشىندە وسى اكادەميانىڭ ءبىرىنشى كومانداسىنىڭ قۇرامىنا كىرەدى. ال 2013 -جىلى ونى فرانسياداعى U. G. A Lyon كومانداسى باقىلاۋعا شاقىرادى. ناتيجەسىندە قازاقستاندىق ويىنشى سول ەلدە قالىپ قويادى. «ونىڭ سپورتتىق الەۋەتى بار، كەرەمەت فۋتبولشى بولۋعا مۇمكىندىگى بار. قازىرگى ۋاقىتتا 15 جاستا بولسا دا 18 جاستاعى فۋتبولشىلارمەن بىرگە ويناپ ءجۇر. كوماندانىڭ كوشباسشىلارىنىڭ ءبىرى ءارى بومباردير. 15 جاستاعىلاردىڭ اراسىندا وتكەن چەمپيوناتتا 8 گول سوعىپ، ناتيجەلى بەس پاس بەردى. ءبىزدىڭ كلۋب ليوندا اتاقتى، سەبەبى ونىڭ پرەزيدەنتى يۋريي دجوركاەفف. ميراس كاسىبي فۋتبولشى بولادى دەگەن ءۇمىتىمىز بار»، - دەدى اداميان.

ونىڭ پىكىرىنشە، قازاقستاندىق فۋتبولشى - ءوز جاس كاتەگورياسى قۇرامىنداعى ۇزدىك. كلۋب ديرەكتورى بوستانوۆتىڭ بولاشاقتا قازاقستانعا پايدا اكەلۋى مۇمكىن ەكەنىن جانە جاستار قۇراماسىندا ويناي الاتىنىن ايتتى.

 Alashainasy.kz 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى