الماتىدا اۆتوبۋس اپاتقا ۇشىراپ، 14 ادام جاپا شەكتى

بۇل تۋرالى قالالىق قۇتقارۋ قىزمەتىنىڭ باسپا ءسوز حاتشىسى گاۋحار نوكەربەكوۆا حابارلادى.

كەلەڭسىز جاعداي بۇگىن حمەلنيسكي مەن مايلين كوشەلەرىنىڭ قيىلىسىندا ورىن العان.

جۇرگىزۋشى رۋلگە يە بولا الماي، اۆتوبۋس جول شەتىندەگى باعانعا سوعىلعان.

باسپا ءسوز قىزمەتىنىڭ حابارلاۋىنشا، اپات تۋرالى حابارلاما قۇتقارۋ قىزمەتىنە كۇندىزگى ساعات 11:58 دە تۇسكەن.

«قۇتقارۋشىلار كابينادان قىسىلىس قالعان جۇرگىزۋشىنى شىعارىپ الدى. قالعان 13 جولاۋشى دا ءتۇرلى دەنە جاراقاتتارىمەن قالالىق №4, 5,7، ورتالىق، وبلىستىق اۋرۋحانالارعا جەتكىزىلدى»، - دەدى گ. نوكەربەكوۆا.

وقيعانىڭ ءمان-جايىن قۇزىرلى ورگان قىزمەتكەرلەرى انىقتاۋدا.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى