قىركۇيەكتە «سامۇرىق- قازىنا» كومپانيالار توبى 14 كومپانيانى ساتۋعا شىعارادى

بۇل تۋرالى 10- قىركۇيەكتە، استاناداعى ورتالىق كوممۋنيكاتسيالار قىزمەتىندە وتكەن بريفينگتە «سامۇرىق- قازىنا» ا ق باسقارما ءتوراعاسىنىڭ ورىنباسارى ەلەنا باحمۋتوۆا حابارلادى.

 «سامۇرىق- قازىنا» كومپانيالار توبى 2014 - جىلعى قىركۇيەكتە جەكە سەكتورعا شىعارىلاتىن اكتيۆتەردى ساتۋ الدىنداعى دايىندىعىن اياقتادى. «قازاقستان تەمىر جولى» ا ق قۇرامىنان 9 كومپانيا، «قازاقستان ينجينيرينگ» ا ق- دان 2 كومپانيا، «قازمۇنايگاز» ا ق- نىڭ 1 ەنشىلەس ۇيىمى جانە «سامۇرىق- قازىنا» ا ق- نىڭ ەكى كومپانياسى ساتۋعا شىعارىلماق.

 «قازاقستان تەمىر جولى» ا ق اكتيۆتەرى ەلەكتروندىق كونكۋرس تاسىلىمەن ساتىلادى جانە ساتۋ كەزىندە كاسىپورىننىڭ نەگىزگى كاسىبىن، جۇمىس ورىندارىن ساقتاۋ تالابى قويىلادى. وزگە اكتيۆتەردى قانداي دا ءبىر تالاپسىز، ەلەكتروندى اۋكتسيوندا ساتۋ جوسپارلانىپ وتىر.

قوردىڭ باسقارما ءتوراعاسىنىڭ ورىنباسارى اكتيۆتەردى ساتۋدى اشىق جۇرگىزۋ ءۇشىن بارلىق جاعداي جاسالعانىن اتاپ ءوتتى. ق ر قارجى مينيسترلىگىنىڭ مەملەكەتتىك مۇلىك كوميتەتىنىڭ سايتىندا ساتىلاتىن نىساندار تۋرالى اقپارات ۇنەمى جاڭارتىلىپ جاتىر. قور مۇددەلى ينۆەستورلار اراسىندا بەلسەندى ءتۇسىندىرۋ جۇمىستارىن جۇرگىزىپ وتىر، باعدارلاما ءۇشىن ارنايى اشىلعان call-ورتالىق جۇمىس ىستەيدى (+ 7 (7172) 55 22 66) .

 «سونىمەن قاتار، جەكەشەلەندىرۋدىڭ اشىقتىعىن قامتاماسىز ەتۋ ءۇشىن، «سامۇرىق- قازىنا» ا ق جانىنان قۇرامىنا پارلامەنت دەپۋتاتتارى، ۇلتتىق كاسىپكەرلىك پالاتا وكىلدەرى كىرگەن قوردىڭ اكتيۆتەرى مەن نىساندارىن ساتۋ جونىندەگى كوميسسيا جاساقتالعان» ، - دەدى ول.

 مەملەكەت باسشىسىنىڭ تاپسىرماسىنا سايكەس ۇكىمەت «سامۇرىق- قازىنا» قورىمەن بىرلەسىپ، 2014-2016 - جىلدارداعى جەكەشەلەندىرۋدىڭ كەشەندى جوسپارىن جاساعانى بەلگىلى. وسى رەتتە قوردىڭ 106 اكتيۆى مەن نىسانىن، سونىڭ ىشىندە 2014 - جىلدىڭ اياعىنا دەيىن 64 نىساندى جەكەشەلەندىرۋ جوسپارلانعان.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى