امەريكالىق قازاقستاندا تىركەلگەن ەرەكشە كولىكتى 146 ميلليون تەڭگەگە ساتىپ الدى

Motor. ru سايتىنىڭ مالىمەتىنشە، ەسكى Toyota Mega Cruiser جول تالعامايتىن كولىگىن امەريكالىق كوللەكتسيونەر اۋكسيون بارىسىندا جاڭا Lexus LX باعاسىنان 3,5 ەسە قىمباتقا العان.

1996-جىلى شىققان، 91 مىڭ شاقىرىم جول جۇرگەن كولىكتىڭ سۋ جاڭا قوجايىنى وعان 310 مىڭ دوللار تولەگەن.

تەڭگەگە شاقساق، كولىك 146 ميلليون تەڭگەدەن استام سوماعا باعالانىپ وتىر.

Toyota Mega Cruiser - جاپون ارمياسى مەن بارلاۋ قىزمەتتەرى ءۇشىن جاسالعان ۇلكەن رامالى جول تالعامايتىن كولىك.

اۆتوكولىك 1995-2001-جىلدار ارالىعىندا جاپونيانىڭ ىشكى نارىعى ءۇشىن شىعارىلعان.

تەك 150 جەر تالعامايتىن كولىك قانا جەكە تۇلعالارعا ارنالعان.

قازاقستاننان جەتكىزىلگەن كولىكتىڭ ەرەكشەلىگى - ءرۋلى وڭ جاقتا. ال امەريكا Mega Cruiser وتە سيرەك كەزدەسەدى، ويتكەنى ەل زاڭناماسىنىڭ ەرەكشەلىكتەرىنە بايلانىستى ا ق ش- قا شىعارىلعانىنا 25 جىلدان اسقان ماشينالاردى عانا شەكتەۋسىز يمپورتتاۋعا بولادى.

Cars and Birds اۋكسيونىندا ساتىلعان Mega Cruiser جەكە مەنشىك يەلەرىنە ارنالىپ بارىنشا باقۋات نۇسقادا جاسالعان.

سالونىندا ارتقى كورىنىسكە ارنالعان كامەرا، تەلەديدار، توڭازىتقىش، اۋديوجۇيە، جىلىتىلاتىن ورىندىقتار، ستاتسيونارلىق تەلەفون بار.

ال جۇكسالعىشى ءبىر كىسىلىك ورىنمەن جابدىقتالعان. ارتقى ەكى بىلعارى ورىندىق تۇعىرعا ورناتىلعان.

سالماعى 2,9 توننا بولاتىن 5,1 مەترلىك جەر تالعامايتىن كولىكتىڭ قۋاتى 153 اتتىڭ كۇشىنە تەڭ 4 ءسيليندرلى 4,1 ليترلىك تۋربوديزەلدى قوزعالتقىشى بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى