قازاقستانداعى «1411» اقپارات ورتالىعى ون كۇندە 30 مىڭعا جۋىق حالىققا قىزمەت كورسەتتى
«جاڭا جىلدىڭ الدىندا «1411» بايلانىس ورتالىعىندا بولدىم. ول 1-قاڭتاردا جۇمىسىن باستادى. بايلانىس ورتالىعى 10 كۇن بويى شتاتتىق رەجىمدە جۇمىس ىستەدى. وسى ۋاقىت ارالىعىندا «1411» بايلانىس ورتالىعى 26 مىڭنان استام ادامعا ەڭبەكپەن قامتۋ جانە الەۋمەتتىك قورعاۋ بويىنشا كونسۋلتاتسيا بەردى. بۇگىن اتالعان ورتالىققا بارىپ، ماتەريالدىق- تەحنيكالىق بازانى جابدىقتاۋ جانە وپەراتورلاردى وقىتۋ مەن قىزمەت كورسەتۋ ساپاسىن ارتتىرۋ بويىنشا اۋقىمدى جۇمىس اتقارىلعانىنا كوزىم جەتتى. قانداي دا ءبىر سۇراقتارىڭىز بولسا «1411» بايلانىس ورتالىعىنا قوڭىراۋ شالىڭىزدار، ول تاۋلىك بويى جۇمىس ىستەيدى»، - دەپ جازدى ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ناريمان مۇقىشەۆ ءوزىنىڭ Facebook پاراقشاسىندا.
بۇعان دەيىن اتالعان اقپارات ورتالىعىنىڭ تاۋلىك بويى قىزمەت كورسەتەتىنىن حابارلاعان بولاتىنبىز.
اۆتور: ءالي يبرايەۆ
