زەينەتاقى جيناعىن پايدالانۋ: 140 مىڭ سالىمشىدان ءوتىنىم ءتۇستى
«جالپى سوماسى 496,7 ميلليارد تەڭگەگە جۋىق 92126 ءوتىنىش ورىندالدى. سالىمشىلاردىڭ ارنايى شوتتارىنا تۇسكەن تولەمدەردىڭ ورتاشا سوماسى 5,4 ميلليون تەڭگەدەن اسادى. ارنايى شوتتارعا تولەم العانداردىڭ %20 جۋىعى الماتى قالاسىندا تۇرادى، ورىندالعان وتىنىشتەردىڭ %17 پايىزى ماڭعىستاۋ وبلىسىنىڭ تۇرعىندارىنان، ال %16 ەلوردامىز نۇر- سۇلتان قالاسىنان جىبەرىلگەن»، - دەپ حابارلادى ب ج ز ق باسپا ءسوز قىزمەتى.
23 ميلليارد تەڭگەگە جۋىق سوماعا 4482 ءوتىنىش تولەمدەردى جۇزەگە اسىرۋ ءۇشىن وڭدەلۋدە. زاڭناما تالاپتارىنا سايكەس كەلمەۋىنە بايلانىستى 42579 ءوتىنىم قابىلدانبادى. ورىندالعان وتىنىشتەرگە جاسالعان تالداۋ %39 پايىز يپوتەكالىق قارىز بويىنشا بەرەشەكتى ءىشىنارا نەمەسە تولىق وتەۋ ماقساتىنا باعىتتالعانىن كورسەتەدى.
ءوتىنىش بىلدىرگەن سالىمشىلاردىڭ شامامەن %26 زەينەتاقى اقشاسىن تۇرعىن ءۇيدى يپوتەكاسىز (تولىق ساتىپ الۋ) ساتىپ الۋعا جىبەرۋ تۋرالى شەشىم قابىلداعان. زەينەتاقى جيناقتارىن پايدالانۋعا تانىمالدىعى جاعىنان ءۇشىنشى ورىنداعى سۇرانىس - جاقىن تۋىستارىنا بەرۋ (وتىنىشتەردىڭ %19 استامى). ءبىرجولعى زەينەتاقى تولەمدەرىن پايدالانۋ ماقساتتارى تۋرالى تولىق اقپارات enpf.kz سايتىنداعى «كورسەتكىشتەر» - «تۇرعىن ءۇي جاعدايلارىن جاقسارتۋعا ارنالعان ماقساتتار بويىنشا ءبىرجولعى زەينەتاقى تولەمدەرى» بولىمىندە ورنالاستىرىلعان.
