ەۋرووداق ەبولامەن كۇرەسۋگە 140 ميلليون ەۋرو بولەدى
«حالىقارالىق قاۋىمداستىق تاراپىنان كورسەتىلىپ جاتقان كومەككە، گۋمانيتارلىق ۇيىمداردىڭ تالپىنىستارىنا قاراماستان جاعداي ناشارلايدى. بۇل قاۋىپپەن كۇرەسۋ ءۇشىن قاجەتتى مەديتسينالىق جابدىقتى ۇسىنىپ، سەرىكتەستەرىمىزگە جۇك تاسىمالداۋدا جاردەمدەسۋىمىز كەرەك»، - دەپ اتاپ ءوتتى گۋمانيتارلىق كومەك جانە حالىقارالىق ىنتىماقتاستىق ماسەلەلەرى بويىنشا ەۋروكوميسسار كريستالينا گەورگيەۆا.
بولىنەتىن 140 ميلليون ەۋرونىڭ 97 ميلليون ەۋروسى دەنساۋلىق سالاسىنداعى تۇرعىندارعا كورسەتىلەتىن مەملەكەتتىك قىزمەتتى جاقسارتۋ ءۇشىن جانە ماكروەكونوميكالىق تۇراقتىلىقتى قامتاماسىز ەتۋ ءۇشىن سەررا- لەونە جانە ليبەريا بيلىگىنە جونەلتىلەدى. 38 ميلليون ەۋرو دەنساۋلىق ساقتاۋ جۇيەسىن قولداۋعا باعىتتالادى. 5 ميلليون ەۋرو ۆيرۋستى انىقتايتىن ءموبيلدى زەرتحانالاردى كۇشەيتۋگە جانە مەديتسينا قىزمەتكەرلەرىنىڭ شەبەرلىكتەرىن شىڭداۋعا جۇمسالماق.
