الماتى وبلىسىندا 14 كومپانياعا 6 ميلليارد تەڭگە قارجى بولىنبەك - فوتو

تالدىقورعاندا 2016 -جىلعى 5 -مامىردا وبلىس اكىمى ورىنباسارى سەرىك تۇرداليەۆتىڭ ءتوراعالىق ەتۋىمەن «بيزنەستىڭ جول كارتاسى 2020» ءبىرىڭعاي بيزنەستى قولداۋ مەن دامىتۋ باعدارلاماسىن ىسكە اسىرۋ بويىنشا الماتى وبلىسى اكىمدىگىنىڭ جانىنداعى وڭىرلىك ۇيلەستىرۋ كەڭەسىنىڭ كەزەكتى وتىرىسى ءوتتى، وندا كاسىپكەرلەردىڭ سوماسى 5 ميلليارد 931 ميلليون تەڭگەگە 14 ءوتىنىمى قارالدى.

قولداۋدى جك BK Service، ج ك ومارقۇلوۆا. ك.، ج ك رايىمبەك، Alma Green Fields ج ش س، سۇڭقار ج ش س جانە ابدي يبراحيم گلوبال فارم ج ش س سياقتى كاسىپكەرلەر الدى. كرەديتتىك اقشاعا جابدىق ساتىپ الىپ، اينالىم قاراجاتىن تولىقتىرادى، كاسىپورىن قۇرىلىسىن كەڭەيتىپ، اياقتايدى.

بارلىق جوبا بويىنشا كرەديتتىك پايىزدىق مولشەرلەمە جىلدىق 7 دەن 10 پايىزعا دەيىن تومەندەيدى، ولاردىڭ كەيبىرىنە «دامۋ» قورىنان كەپىل بەرىلەدى.

ءوتىنىم بەرگەن كاسىپورىن ءوز قىزمەتىن ءوندىرىس، فارماتسيەۆتيكا، دەمالىس، ساۋدا، مال شارۋاشىلىعى، قۇس شارۋاشىلىعى، قويما شارۋاشىلىعى سالاسىندا جۇزەگە اسىرادى.

ءبىرىڭعاي باعدارلاما اياسىندا الماتى وبلىسىندا جىل باسىنان باستاپ وڭىرلىك ۇيلەستىرۋ كەڭەسى سوماسى 8 ميلليارد تەڭگەدەن استام 43 جوبانى ماقۇلدادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى