مۇگەدەكتەرگە ارنالعان ورىنعا كولىك قويعاندارعا 14,5 ميلليون تەڭگە ايىپپۇل سالىندى

قالالىق ءى ءى د- نىڭ اكىمشىلىك پوليتسيا باسقارماسى باسشىسىنىڭ ورىنباسارى نۇرلان ۋۆايەۆتىڭ ايتۋىنشا، جىل باسىنان بەرى مۇگەدەكتەرگە ارنالعان ورىندارعا توقتاپ نەمەسە كولىگىن قويعانى ءۇشىن جالپى سوماسى 14 ميلليون 566 مىڭ 980 تەڭگە بولاتىن 210 اكىمشىلىك قۇقىقبۇزۋشىلىق انىقتالعان. ولاردىڭ اراسىندا 133 قۇقىقبۇزۋشىلىق بويىنشا 8 ميلليون  622 مىڭ 200 تەڭگە الىندى. جەلتوقساننىڭ 4-5 كۇندەرى 567 مىڭ 250 تەڭگەنىڭ قۇقىقبۇزۋشىلىعى انىقتالدى.

استانا قالاسى ءى ءى د- نىڭ اكىمشىلىك پوليتسيا باسقارماسى «تەڭ مۇمكىندىكتەر جولى» رەسپۋبليكالىق اكسياسىنىڭ اياسىندا ارنايى رەيد جۇرگىزگەن. اتالمىش شاراعا جول جانە كوممۋنالدىق قىزمەت وكىلدەرى دە قاتىسىپ، ولار كوشەدەگى جولداردىڭ جاعدايى، مۇگەدەكتەر جۇرەتىن جەرلەردىڭ قانشالىقتى تالاپقا ساي ەكەندىگى، جاياۋ جۇرگىنشىلەر جۇرەتىن جولداردىڭ جاعدايىنا تەكسەرۋ جۇرگىزگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى