قازاقستاندا 14,4 مىڭنان استام شەتەل ازاماتى جۇمىس ىستەيدى

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، شەتەل جۇمىس كۇشىن (ش ج ك) تارتۋعا رۇقساتتاردىڭ اراسىندا مىناداي ساناتتار بار: باسشىلار مەن ولاردىڭ ورىنباسارلارى ءۇشىن 584 رۇقسات (ءبىرىنشى سانات)، قۇرىلىمدىق بولىمشەلەردىڭ باسشىلارى ءۇشىن 3028 رۇقسات (ەكىنشى سانات). تارتىلعان ش ج ك نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى - تيىسىنشە ولار 7186 جانە 881 ادام. سونداي- اق ماۋسىمدىق جۇمىستارعا 1302 ادام، ال كورپوراتيۆتىك اۋىستىرۋ اياسىندا 1437 ادام تارتىلدى.

«قازىرگى ۋاقىتتا قازاقستاندا ش ج ك پايدالاناتىن 1693 جۇمىس بەرۋشى بار. ولاردا 407,9 مىڭنان استام قازاقستان ازاماتى جۇمىس ىستەيدى، بۇل قىزمەتكەرلەردىڭ جالپى سانىنىڭ % 96 - ى.

ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر قۇرىلىس سالاسىندا - 5262 ادام (%37,3) ؛ تاۋ - كەن ونەركاسىبى جانە كارەرلەردى قازۋ - 1441 ادام (%10)؛ اۋىل، ورمان جانە بالىق شارۋاشىلىعى - 1143 ادام (8 پايىز)؛ كاسىبي، عىلىمي جانە تەحنيكالىق قىزمەت - 979 ادام (7 پايىز ) ؛ وڭدەۋ ونەركاسىبى - 883 ادام (7 پايىز)»، - دەپ جازدى ۆەدومستۆودان.

ەڭبەك ميگرانتتارى كەلەتىن نەگىزگى ەلدەر: قىتاي - 3493 ادام (25 پايىز)، تۇركيا - 1523 ادام (%11)، ءۇندىستان - 1722 ادام (12 پايىز) ، وزبەكستان - 1461 ادام (9,3 پايىز) .

ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەل ماماندارىن تارتۋعا كۆوتا بەلگىلەيدى جانە بولەدى. 2023 -جىلى جالپى كۆوتا رەسپۋبليكاداعى جۇمىس كۇشىنىڭ سانىنا قاتىستى % 0,24 نەمەسە 22260 بىرلىك مولشەرىندە بەلگىلەندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى