شىمكەنت قالاسى اكىمدىگىنىڭ باسقارما باسشىسى 13 ميلليون تەڭگە كولەمىندە پارا الدى دەگەن كۇدىككە ءىلىندى
بۇل تۋرالى سىبايلاس جەمقورلىققا قارسى ءىس- قيمىل اگەنتتىگى شىمكەنت قالاسى بويىنشا دەپارتامەنتىنىڭ باسشىسى داۋرەن ەرعارين Facebook پاراقشاسىندا مالىمدەدى، دەپ حابارلايدى قازاقپارات ءتىلشىسى.
شىمكەنت قالاسىنىڭ سىبايلاس جەمقورلىققا قارسى قىزمەتى قالانىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسىنا قاتىستى سوتقا دەيىنگى تەرگەۋ جۇرگىزۋدە. ول مەگاپوليستىڭ الەۋمەتتىك ماڭىزى بار باعىتتارى بويىنشا جولاۋشىلار تاسىمالىن سۋبسيديالاۋ كەزىندە بيۋدجەت قاراجاتىن كەدەرگىسىز تولەگەنى ءۇشىن كاسىپكەردەن 13 ميلليون تەڭگە كولەمىندە پارا الدى دەگەن كۇدىككە ءىلىندى.
«سوتتىڭ سانكسياسىمەن كۇدىكتى 2 اي مەرزىمگە قاماۋعا الىندى. سوتقا دەيىنگى تەرگەپ- تەكسەرۋ جالعاسۋدا، قىلمىستىق- پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى. كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق- پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى» - دەپ جازدى داۋرەن ەرعارين.
