دۇيسەنبىدە كۇننىڭ بۇزىلۋىنا بايلانىستى 13 وڭىردە ەسكەرتۋ جاريالاندى
جەتىسۋ وبلىسىنىڭ تاۋلى اۋداندارىندا قاتتى جاڭبىر، وبلىستىڭ سولتۇستىگىندە، وڭتۇستىگىندە، ورتالىعىندا، تاۋلى اۋداندارىندا نايزاعاي، بۇرشاق بولادى. سولتۇستىك- شىعىستان جەل سوعادى، نايزاعاي كەزىندە جەل ەكپىنى - 15-20، الاكول ماڭىندا - 25 م/س.
تۇندە قاراعاندى وبلىسىنىڭ وڭتۇستىگىندە نايزاعاي وينايدى. سولتۇستىك- شىعىستان جەل سوعادى، كۇندىز وبلىستىڭ باتىسىندا جەل ەكپىنى 18 م/س جەتەدى. وبلىستىڭ شىعىسىندا جوعارى ءورت قاۋپى ساقتالادى.
كۇندىز تۇركىستان وبلىسىنىڭ سولتۇستىگىندە شاڭدى داۋىل سوعادى. سولتۇستىك- شىعىستان جەل سوعادى، وبلىستىڭ تاۋ اسۋلارىندا جەلدىڭ كۇشى - 15-20 م/س.
تۇندە الماتى وبلىسىنىڭ وڭتۇستىگىندە، تاۋلى اۋداندارىندا كەي ۋاقىتتا قاتتى جاڭبىر جاۋادى. وبلىستىڭ وڭتۇستىگىندە، تاۋلى اۋداندارىندا - نايزاعاي، بۇرشاق. سولتۇستىك- شىعىس جەلىنىڭ قارقىنى نايزاعاي كەزىندە 17-22 م/س جەتەدى، كەي ۋاقىتتا - 25 م/س.
الماتى قالاسىندا كۇن كۇركىرەيدى. نايزاعاي كەزىندە سولتۇستىك- شىعىس جەلىنىڭ جىلدامدىعى - 17 م/س.
كۇندىز باتىس قازاقستان وبلىسىنىڭ وڭتۇستىك- باتىسىندا نايزاعاي جارقىلدايدى. سولتۇستىك- شىعىستان، شىعىستان جەل سوعادى، كۇندىز وبلىستىڭ سولتۇستىگىندە، شىعىسىندا ەكپىنى - 15-20 م/س.
كۇندىز قىزىلوردا وبلىسىنىڭ ورتالىعىندا شاڭدى داۋىل تۇرادى. سولتۇستىكتەن، سولتۇستىك- شىعىستان جەل سوعادى، كۇندىز وبلىستىڭ ورتالىعىندا جەلدىڭ كۇشى 15-20 م/س ساقتالادى.
كۇندىز ۇلىتاۋ وبلىسىنىڭ شىعىسىندا نايزاعاي وينايدى. سولتۇستىك- شىعىستان جەل سوعادى، كۇندىز وبلىستىڭ وڭتۇستىگىندە ەكپىنى - 18 م/س. وبلىستىڭ ورتالىعىندا توتەنشە ءورت قاۋپى ساقتالادى.
ماڭعىستاۋ وبلىسىنىڭ باتىسىندا، وڭتۇستىگىندە كۇن كۇركىرەيدى. كۇندىز وبلىستىڭ وڭتۇستىگىندە شاڭدى داۋىل سوعادى. وڭتۇستىك- شىعىستان جەل سوعادى، وبلىستىڭ وڭتۇستىگىندە، باتىسىندا، سولتۇستىگىندە جەل قارقىنى - 23 م/س.
كۇندىز اقتوبە وبلىسىنىڭ باتىسىندا، وڭتۇستىگىندە شىعىستان، سولتۇستىك- شىعىستان جەل سوعادى، ەكپىنى 15-20 م/س جەتەدى.
پاۆلودار وبلىسىنىڭ شىعىسىندا، ورتالىعىندا توتەنشە ءورت قاۋپى ساقتالادى.
كۇندىز اتىراۋ وبلىسىنىڭ باتىسىندا، وڭتۇستىگىندە - نايزاعاي، شاڭدى داۋىل. سولتۇستىك- شىعىستان سوققان جەل وڭتۇستىك- شىعىسقا اۋىسادى، كۇندىز وبلىستىڭ باتىسىندا، وڭتۇستىگىندە جەل قارقىنى -15-20 م/س. كۇندىز وبلىستىڭ وڭتۇستىگىندە، شىعىسىندا توتەنشە ءورت قاۋپى ساقتالادى.
قوستاناي وبلىسىنىڭ وڭتۇستىگىندە جوعارى ءورت قاۋىپى ساقتالادى.
