قازاقستان قولجەتىمدى باسپانا بويىنشا ازيا ەلدەرى اراسىندا 13-ورىندا

Ranking.kz پورتالىنىڭ جازۋىنشا، رەيتينگ پاتەر قۇنى مەن وتباسىنىڭ ورتاشا جىلدىق تابىسىنىڭ اراقاتىناسىنا نەگىزدەلگەن، ول «تازا» جالاقىعا بايلانىستى.

سالىستىرۋ ءۇشىن: وزبەكستان بۇل رەيتينگتە نەبارى 75-ورىنعا تۇراقتاسا، رەسەي - 88-ورىندا، بەلارۋس - 90-ورىندا.

ساۋد ارابياسى، بىرىككەن اراب امىرلىكتەرى سياقتى مۇناي مەن گازعا باي ەلدەر رەيتينگ باسىندا، ال سيريا سوڭىندا.

دەگەنمەن، ق ر- داعى 33-ورىن ءالى دە بولسا تۇرعىن ءۇي الۋ مۇمكىندىگىنىڭ جەتكىلىكسىز ەكەنىن كورسەتەدى.

مىسالى، ر ي ا رەيتينگى بويىنشا ەۋروپانىڭ 33 ەلىنىڭ اراسىندا قازاقستان جان باسىنا شاققانداعى يپوتەكالىق نەسيەلەر كورسەتكىشى تومەن (ۋكراينانى ەسەپتەمەگەندە) ، دەگەنمەن يپوتەكالىق نارىقتىڭ دامۋ قارقىنى باسقا ەلدەرمەن سالىستىرعاندا جوعارى.

ەلىمىزدە جىلجىمايتىن مۇلىك قۇنى جالپى وتە قولجەتىمدى بولىپ وتىر.

Numbeo-نىڭ قالا ورتالىعىنداعى پاتەر قۇنى بويىنشا ەلدەر رەيتينگىندە قازاقستان شارشى مەترىنە 1000 ا ق ش دوللارىن قۇرايتىن كورسەتكىشپەن 104 ەلدىڭ اراسىندا 11-ورىندى يەلەندى.

سالىستىرۋ ءۇشىن: وزبەكستان 14، بەلارۋس 37، ارمەنيا 60، رەسەي 70-ورىندا. رەيتينگ باسىندا مىسىر، پاكىستان جانە ۆەنەسۋەلا، سوڭىندا گونكونگ (قىتاي).

ۇلتتىق ستاتيستيكا بيۋروسىنىڭ مالىمەتىنشە، ق ر- دا بيىل قاراشادا جاڭا تۇرعىن ۇيلەردىڭ باعاسى - شارشى مەترىنە 435,9 مىڭ تەڭگە بولدى (ءبىر جىلدا % 17,3 قىمباتتاعان).

ال قايتالاما نارىقتاعى پاتەرلەردىڭ قۇنى شارشى مەترىنە - 489,7 مىڭ تەڭگە (% 26,9 وسكەن).

قاراشادا باعانىڭ ءوسۋى جاڭا باسپاناعا - 15,2، قايتالاما نارىقتا - 23,1 پايىز بولدى.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى