تۇركىستان وبلىسىندا تۇرعىن ءۇي ورتەنىپ، 13 جاسار ەكى بالا قازا تاپتى

وقيعا ساۋران اۋدانى بابايقورعان اۋىلىندا بولعان. ش. قالداياقوۆ كوشەسىندە ورنالاسقان ەكى قاباتتى جەكە تۇرعىن ءۇي ورتەنىپ، جالىن 180 شارشى مەتردى شارپىدى. ءبىرىنشى قاباتتىڭ توبەسى وپىرىلىپ، قۇلاپ تۇسكەن. وقيعا ورنىنان 13 جاسقا ەندى تولعان ەكى جاسوسپىرىمنىڭ دەنەسى تابىلدى.

ءورتتى سوندىرۋگە توتەنشە جاعداي دەپارتامەنتىنىڭ 24 قىزمەتكەرى مەن 7 تەحنيكاسى، پوليتسيا دەپارتامەنتىنىڭ 9 قىزمەتكەرى مەن 3 تەحنيكاسى جۇمىلدىرىلدى.

اۆتور: قايرات زاينيشيەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى