قىرعىز- تاجىك شەكاراسىنداعى جاعداي: 13 ادام كوز جۇمدى

بۇل تۋرالى قىرعىزستان دەنساۋلىق ساقتاۋ مينيسترلىگى مالىمدەدى، دەپ حابارلايدى قازاقپارات كابار اگەنتتىگىنە سىلتەمە جاساپ.

ۆەدومستۆو دەرەگىنشە، 13 ادام قايتىس بولعان. سونىمەن قاتار 25 زارداپ شەككەن ادام ارنايى بورتپەن باتكەننەن بىشكەككە جەتكىزىلىپ، بىشكەك تراۆموتولگيا جانە ورتوپەديا عىلىمي- زەرتتەۋ ورتالىعى، ۇلتتىق گوسپيتال جانە ۇلتتىق حيرۋرگيا ورتالىعىنا جاتقىزىلعان. ەكى ادامنىڭ جاعدايى اۋىر، قالعاندارىنىڭ جاعدايى ورتاشا دەڭگەيدە جانە قاناعاتتانارلىق.

ەسكە سالا كەتسەك، 28 -ءساۋىر كۇنى قىرعىزستان مەن تاجىكستان شەكاراسىندا ەكى ەل تۇرعىندارى ءوزارا كەلىسپەي، قاقتىعىس باستالدى. قىرعىزستاننىڭ باتكەن وبلىسىنىڭ باتكەن اۋدانىنىڭ «گولوۆنوي» ەلدى مەكەنىندە جاعداي شيەلەنىسىپ كەتتى.

قىرعىز تاراپى قاقتىعىس ايماعىنان 848 ادام كوشىرىلگەنىن ءمالىم ەتتى. قىرعىزستان مەن تاجىكستان 29 -ساۋىردە ساعات 20:00-دەن باستاپ اتىستى توقتاتۋ تۋرالى كەلىسىمگە كەلدى.

سونداي- اق، قازاقستان پرەزيدەنتى قىرعىز- تاجىك مەملەكەتتىك شەكاراسىنداعى جاعدايعا بايلانىستى مالىمدەمەمە جاسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى