13-قازان كۇنى نۇر- سۇلتاندا وتەتىن ماڭىزدى شارالار اڭداتپاسى

نۇر- سۇلتان

09.00-دە ۇكىمەت ۇيىندە ۇكىمەت وتىرىسى وتەدى. كۇن تارتىبىندە 2020 -جىلعى قاڭتار- قىركۇيەكتەگى ق ر الەۋمەتتىك- ەكونوميكالىق دامۋ قورىتىندىسى جانە رەسپۋبليكالىق بيۋدجەتتىڭ اتقارىلۋى، قازاقستان رەسپۋبليكاسىنىڭ 2020-2024 -جىلدارعا ارنالعان الەۋمەتتىك- ەكونوميكالىق دامۋ بولجامى جانە 2020-2022 -جىلدارعا ارنالعان رەسپۋبليكالىق بيۋدجەتتى ناقتىلاۋ قارالادى. ۇكىمەت وتىرىسى PrimeMinister.kz سايتىندا جانە الەۋمەتتىك جەلىلەردەگى رەسمي اككاۋنتتاردا ونلاين رەجيمدە كورسەتىلەدى.

10.00-دە ا. بارايەۆ اتىنداعى استىق شارۋاشىلىعى عىلىمي- وندىرىستىك ورتالىعىندا «اۋىل» پارتياسى ءتوراعاسىنىڭ ورىنباسارى ق. ق. ايتۋعانوۆتىڭ پارتيا باسشىلىعىمەن جانە مۇشەلەرىمەن «اۋىلدىق اۋماقتاردى الەۋمەتتىك- ەكونوميكالىق دامىتۋدىڭ جاي- كۇيى جانە ولاردى تەڭگەرىمدى دامىتۋدىڭ پەرسپەكتيۆالارى» تاقىرىبىندا كەزدەسۋى وتەدى.

10.30-دا ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە جەكە قوسالقى شارۋاشىلىقتاردا قۇستاردىڭ قىرىلۋىن توقتاتۋ جانە وتەماقى تولەۋدىڭ باستالۋى تۋرالى باسپا ءسوز كونفەرەنتسياسى وتەدى. سپيكەرلەر: ق ر ا ش م ۆەتەرينارلىق باقىلاۋ جانە قاداعالاۋ كوميتەتى ءتوراعاسىنىڭ مىندەتىن اتقارۋشى تۇرسىن قابدولدانوۆ، ق ر ا ش م ۆەتەرينارلىق، فيتوسانيتارلىق جانە ازىق- تۇلىك قاۋىپسىزدىگى دەپارتامەنتىنىڭ ديرەكتورى گۇلجان نۇرتازينا.

11.00-دە نۇر- سۇلتان قالاسى اكىمدىگىنىڭ باسپا ءسوز ورتالىعىندا «مەيىرىمدىلىك كەرۋەنى - 2020» III رەسپۋبليكالىق بايقاۋىن جۇزەگە اسىرۋ» تاقىرىبىندا ونلاين باسپا ءسوز ءماسليحاتى وتەدى. تىكەلەي ەفير نۇر- سۇلتان قالاسى اكىمدىگىنىڭ facebook-پاراقشاسىندا ۇيىمداستىرىلادى.

11.00-دە نۇر- سۇلتان قالالىق پوليتسيا دەپارتامەنتى جانىندا ەلورداداعى ينتەرنەت- الاياقتىقتىڭ جاڭا تۇرلەرىنە قاتىستى بريفينگ وتەدى.

15.00-دە ق ر مەملەكەتتىك قىزمەت ىستەرى اگەنتتىگىندە مەملەكەت باسشىسى قول قويعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەت جانە سىبايلاس جەمقورلىققا قارسى ءىس- قيمىل ماسەلەلەرى بويىنشا» زاڭ جوباسىن ءتۇسىندىرۋ بويىنشا باسپا ءسوز كونفەرەنتسياسى وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى