كوروناۆيرۋسپەن كۇرەس: كوز جۇمعان 13 مەديتسينا قىزمەتكەرىنىڭ تۋىستارىنا وتەماقى بەرىلدى
بۇل تۋرالى قازاقپارات ءتىلشىسى ەڭبەك مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
COVID-19-بەن كۇرەسۋگە تارتىلعان 1429 مەديتسينا قىزمەتكەرى كوروناۆيرۋستىق ينفەكتسيانى نەمەسە ۆيرۋستىق پنيەۆمونيانى جۇقتىرعان جاعدايدا مەملەكەتتىك الەۋمەتتىك ساقتاندىرۋ قورىنان (م ءا س ق) بەرىلەتىن ءبىرجولعى الەۋمەتتىك تولەمدى الدى. سونداي-اق، م ءا س ق اۋرۋدىڭ سالدارىنان قايتىس بولعان 13 مەديتسينا قىزمەتكەرىنىڭ تۋىستارىنا تولەمدەر اۋداردى.
11- قىركۇيەكتەگى جاعداي بويىنشا م ءا س ق COVID-19 نەمەسە ۆيرۋستىق پنيەۆمونيا جۇقتىرعان 1429 مەديتسينا قىزمەتكەرىنە جانە اۋرۋدىڭ سالدارىنان قايتىس بولعان 13 مەديتسينا قىزمەتكەرى تۋىستارىنىڭ ءوتىنىش بويىنشا اقشالاي قاراجاتتى تاعايىنداۋ مەن تولەۋدى جۇزەگە اسىردى.
وڭىرلەر بولىنىسىندە مەديتسينا قىزمەتكەرلەرىنە COVID-19 نەمەسە ۆيرۋستىق پنيەۆمونيانى جۇقتىرۋ جاعدايىنا تولەمدەردىڭ ەڭ كوپ سانى نۇر-سۇلتان (260) جانە الماتى قالالارىنان (191)، الماتى (119)، قاراعاندى (110) جانە اقمولا (110) وبلىستارىنان جۇرگىزىلدى.
ايتا كەتسەك، ق ر ەڭبەك جانە حالىقتى الەۋمەتتىك قورعاۋ ءمينيسترى مەن ق ر دەنساۋلىق ساقتاۋ ءمينيسترىنىڭ 9- ساۋىردەگى «دەنساۋلىق ساقتاۋ ۇيىمدارىنىڭ COVID-19 كوروناۆيرۋستىق ينفەكتسياسىنا قارسى كۇرەس جونىندەگى ەپيدەمياعا قارسى ءىس-شارالارعا تارتىلعان قىزمەتكەرلەرى اتالعان ينفەكتسيانى جۇقتىرعان نەمەسە ودان قايتىس بولعان جاعدايدا ولارعا ءبىرجولعى الەۋمەتتىك تولەمدى جۇزەگە اسىرۋ قاعيدالارىن بەكىتۋ تۋرالى» بىرلەسكەن بۇيرىعىنا اعىمداعى جىلدىڭ 22- شىلدەدە وزگەرىستەر ەنگىزىلگەن.
