بيىل «بايقوڭىر» عارىش ايلاعىنان 13 زىمىران ءساتتى ۇشىرىلعان
«روسكوسموس» 2019-جىلعا ارنالعان بايقوڭىر عارىش ايلاعىنىڭ ۇشىرۋ باعدارلاماسىن اياقتادى، دەپ حابارلايدى قازاقپارات ءتىلشىسى.
2019-جىلعى ستاتيستيكاعا سايكەس، حالىقارالىق عارىش ستانتسياسىنىڭ باعدارلاماسى بويىنشا رەسەي فەدەراتسياسى قورعانىس مينيسترلىگى مۇددەلى كوممەرتسيالىق ۇشىرۋ باعدارلاماسى اياسىندا بايقوڭىردان 13 عارىش ۇشىرىلىمى جۇزەگە اسىرىلدى.
«16 جىل ىشىندە العاش رەت رەسەي عارىشتىق ۇشىرىلىمدى اپاتسىز اياقتادى. ونىڭ 13 ءى - بايقوڭىر عارىش ايلاعىنان، 8 ءى - پلەسەتسكىدەن، بىرەۋى - شىعىستان، ۇشەۋى - كۋرۋدان ۇشىرىلدى»، - دەپ حابارلايدى «روسكوسموستىڭ» باسپا ءسوز قىزمەتى.
«الايدا، 25 ۇشىرىلىم ءساتتى بولسا دا، 33 ۇشىرىلىمىمەن (31 ءى ءساتتى) قىتايدى جانە 27 عارىش ۇشىرىلىمىمەن ا ق ش- تى كوشباسشىلىق پوزيتسيادان ىعىستىرۋ ءۇشىن جەتكىلىكسىز بولدى»، - دەيدى ساراپشىلار.
