وليمپيادانىڭ مەدال كورسەتكىشى: نورۆەگيا 13 «التىمەن» كوش باستاپ كەلەدى

قازاقستان قۇراماسىنىڭ قورجىنىندا فريستايلشى يۋليا گالىشەۆا جەڭىپ العان جالعىز قولا مەدالدان باسقا ازىرگە جۇلدە جوق.

بۇگىنگى كۇننىڭ جالپى قورىتىندىسى بويىنشا، نورۆەگيا قۇراماسى مەدالدار سانى جاعىنان ءالى دە كوش باستاپ كەلەدى. ولاردىڭ قورجىنىندا 13 التىن، 12 كۇمىس جانە 10 قولا (35) مەدال بولسا، ەكىنشى ورىندا كەلە جاتقان گەرمانيا قۇراماسىنىڭ ەنشىسىندە 13 التىن، 7 كۇمىس جانە 5 قولا جالپى (25) مەدال بار.

ال ۇزدىك ءۇشىنشى ورىندا كەلە جاتقان كانادا سپورتشىلارى 9 التىن، 7 كۇمىس جانە 8 قولا مەدال (24) ەنشىلەسە، بۇگىن ۇزدىك تورتتىككە اقش قۇراماسى كوتەرىلدى. ولار 8 التىن، 7 كۇمىس جانە 6 قولا (21) مەدالعا قولجەتكىزدى. ۇزدىك بەستىكتى نيدەرلاندى ەلىنىڭ سپورتشىلارى تۇيىندەپ تۇر. ولار 7 التىن، 6 كۇمىس جانە 4 قولا (17) مەدال ەنشىلەدى.

ەستەرىڭىزگە سالا كەتەيىك، 9-اقپاندا الاۋى تۇتانعان اق وليميادا ويىندارىنا قازاقستان 57 جولداما جەڭىپ العان بولاتىن. ولار سپورتتىڭ 9 تۇرىنەن ەل نامىسىن قورعاپ جاتىر. ال، جالپى وليمپيادا ويىندارىندا سپورتتىڭ 15 تۇرىنەن 102 مەدال جيىنتىعى ساراپقا سالىنادى. جارىس 25- اقپاندا ءوز مارەسىنە جەتەدى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى