ەرتەڭ 13 -جەلتوقسان كۇنى وتەتىن ماڭىزدى وقيعالارعا شولۋ

استانا

ساعات 09:45-تە استانا قالاسى اكىمىنىڭ ورىنباسارىنىڭ، پروكۋرورلاردىڭ، استانا قالاسى ءى ءى د وكىلدەرىنىڭ، سونىمەن قاتار، باس پروكۋراتۋرانىڭ جانىنداعى قۇقىققورعاۋ اكادەمياسىنىڭ جەتەكشىلەرىنىڭ قاتىسۋىمەن ۆەدومستۆوارالىق وتىرىس وتەدى. وتىرىستىڭ تاقىرىبى - «جاسوسپىرىمدەردىڭ قىلمىسىنىڭ الدىن الۋدى جاڭارتۋ».

ساعات 10:00 كەزىندە پارلامەنت ماجىلىسىندە پلەنارلىق وتىرىس باستالادى.

ساعات 11:00-دە ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنىڭ الاڭىندا بريفينگ وتەتى. شارا تاقىرىبى - «ق ر حالقىنىڭ ونلاين ساناعىنىڭ تۇساۋكەسەرى» . وتەتىن ورىنى: مينيسترلىكتەر ءۇيى، 9 كىرەبەرىس.

ساعات 12:20-دا قازاقستان رەسپۋبليكاسىنىڭ ەڭبەك جانە الەۋمەتتىك قورعاۋ ءمينيسترى تامارا دۇيسەنوۆانىڭ قاتىسۋىمەن ورتالىق كوممۋنيكاتسيالار قىزمەتىندە باسپا ءسوز ءماسليحاتى وتەدى. مينيستر قازاقستان رەسپۋبليكاسىنىڭ ەڭبەك جانە الەۋمەتتىك قورعاۋ مينيسترلىگىنىڭ 2017 -جىلدىڭ 11 ايىنىڭ جۇمىس قورىتىندىسى مەن 2018 -جىلعى جوسپارلار تۋرالى ءسوز قوزعايدى.

ساعات 15:00 كەزىندە ق ر مادەنيەت جانە سپورت ءمينيسترىنىڭ قاتىسۋىمەن قوعامعا ماڭىزدى ادەبي تۋىندىلاردى جەتكىزۋ بويىنشا ۆەدومستۆوارالىق كوميسسيانىڭ وتىرىسى باستالادى.

وتىرىسقا پارلامەنت ءماجىلىسىنىڭ دەپۋتاتتارى مۇرات باقتيار ۇلى، بەيبىت مامرايەۆ، ءدىن ىستەرى جانە ازاماتتىق قوعام ۆيتسە-ءمينيسترى ابزال نۇكەنوۆ، اقپارات جانە كوممۋنيكاتسيالار ۆيتسە- ءمينيسترى الان اجىبايەۆ، ق ر ءبىلىم جانە عىلىم ۆيتسە-ءمينيسترى اسحان ايماعامبەتوۆ قاتىسادى. وتىرىستىڭ وتەتىن ورىنى: مينيسترلىكتەر ءۇيى. 15-كىرەبەرىس، 303-كابينەت.

ساعات 16:00-دە ۇلتتىق اكادەميالىق كىتاپحانادا ق ر مادەنيت جانە سپورت ءمينيسترى ارىستانبەك مۇحامەدي ۇلىنىڭ ءتوراعالىق ەتۋىمەن تۋريزم بويىنشا كەڭەستىڭ وتىرىسى باستالادى.

كەڭەس جۇمىسىنىڭ باستى ماقساتى تۋريزمدى دامىتۋ بويىنشا ۇسىنىستاردى ازىرلەۋ، ەلدەگى ءتۋريزمدى وركەندەتۋگە باعىتتالعان مەملەكەتتىك ورگانداردىڭ جۇمىسىن ۇيلەستىرۋ بولىپ تابىلادى.

ءدال وسى ۋاقىتتا نازاربايەۆ ورتالىعىندا رەسپۋبليكالىق ءداستۇرلى «التىن توبىلعى» بايقاۋىنىڭ جەڭىمپازدارى ماراپاتتالادى. بايقاۋدى ق ر تۇڭعىش پرەزيدەنت قورى قازاقستان جازۋشىلار وداعىمەن، مەملەكەتتىك ءتىلدى دامىتۋ قورىمەن بىرلەسە وتىرىپ ۇيىمداستىرعان.

الماتى

ساعات 09:00-دە «RahatPalacە» قوناق ۇيىندە ق ر ۇلتتىق ەكونوميكا مينيسترلىگى «اتامەكەن» ۇلتتىق پالاتاسىمەن بىرگە بيزنەس وكىلدەرى مەن شەتەلدىك وكىلدەر ءۇشىن ارنايى بيزنەس- فورۋم وتكىزەدى. بيزنەس- فورۋم اياسىندا امەريكالىق تاراپ تىڭ تەحنولوگيالاردىڭ تۇساۋكەسەرىن وتكىزبەك. شاراعا قىرعىزستان، تاجىكستان، تۇرىكمەنستان، وزبەكستان جانە ا ق ش ەلدەرىنىڭ ەكونوميكا، ساۋدا جونىندە جاۋاپتى ۆيتسە-مينيسترلەرى قاتىسادى. قازاقستاندىق دەلەگاتسيانى قر ۇلتتىق ەكونوميكا ۆيتسە- ءمينيسترى باۋىرجان بەكەشوۆ باستايدى.

ساعات 10:00-دە «Almaty Towers»  بيزنەس- ورتالىعىندا KASE-تىڭ ءداستۇرلى مەديا- بريفينگى ۇيىمداستىرىلادى. جيىندا قازاقستاننىڭ بيرجالىق نارىعىنداعى ستاتيستيكالىق اقپارات جاريالانادى.

ساعات 10:00-دە «عىلىم ورداسى» ۇلتتىق كىتاپحاناسىندا ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى، پروفەسسور زيابەك قابىلدينوۆتىڭ «استانا تاريحى» اتتى كىتابىنىڭ تۇساۋكەسەرى وتەدى.

ساعات 11:00-دە «پاراسات» كاسىپوداعىندا «سىبايلاس جەمقورلىققا قارسى كۇرەستە جاستار ۇيىمىنىڭ ءرولى» تاقىرىبىندا شارا باستالادى.

ساعات 13:00-دە الەۋمەتتىك جوبالار ءۇشىن IV قازاقستاندىق بايقاۋدىڭ جەڭىمپازدارىنىڭ ماراپاتتاۋى ۇيىمداستىرىلادى. شارانىڭ وتەتىن ورىنى: SmArt.Point (بايزاقوۆ كوشەسى 280)، 2 -قابات، امفيتەاتر.

ساعات 15:00-دە الماتى قالاسىنىڭ ايماقتىق كوممۋنيكاتسيالار قىزمەتىندە الەۋمەتتىك- ەكونوميكالىق دامۋ كورسەتكىشتەرى بويىنشا باسپا ءسوز ءماسليحاتى باستالادى. بوستاندىق اۋدانىنىڭ اكىمى بەكقالي تورعايەۆ اۋدان اۋماعىندا «رۋحاني جاڭعىرۋ» باعدارلاماسى قالاي جۇزەگە اسىرىلىپ جاتقانى تۋرالى باياندايدى.

ساعات 16:00 كەزىندە ءا. قاستەيەۆ اتىنداعى مەملەكەتتىك ونەر مۋزەيىندە «قازاقستان كەلبەتى» اتتى عىلىمي كاتالوگتىڭ سالتاناتتى تۇساۋكەسەرى وتەدى.

اقتوبە وبلىسى

ق ر تاۋەلسىزدىگى كۇنى قارساڭىندا وبلىس اكىمى بەردىبەك ساپاربايەۆ ءبىرقاتار سالتاناتتى شارالارعا قاتىسادى. اتاپ ايتقاندا، مارتوك اۋدانىنىڭ سارىجار ورتا مەكتەبىن، «سىمبات» مەكتەپ- ينتەرناتى مەن ق. جۇبانوۆ اتىنداعى ا ءو م ۋ-دىڭ ستۋدەنتتەر جاتاقحاناسىن اشۋ جوسپارلانعان.

وڭتۇستىك قازاقستان وبلىسى

و ق و ارىس قالاسىنا ارنايى باسپا ءسوز تۋرى ۇيىمداستىرىلادى. وندا تىلشىلەر 800 باسقا ارنالعان «قازىنا جەر Ltd»  جشس ءىرى تاۋارلى ءسۇت فەرماسىنىڭ جۇمىسىمەن تانىساتىن بولادى. «قازاگرو» ۇلتتىق حولدينگىنىڭ جەلىسى بويىنشا ۇلتتىق قوردىڭ ەسەبىنەن قارجىلاندىرىلعان ينۆەستيتسيالىق جوبا كانادا، ۋكراينا جانە قازاقستاننان اسىل تۇقىمدى ساۋىندى مال باسىن ساتىپ الۋ ارقىلى ەكى كەزەڭ بويىنشا ىسكە اسىرىلعان. اتالعان جوبا جەم ءشوپ ءوندىرىسىن دامىتۋ شەڭبەرىندە قارجىلاندىرىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى