قىتايدىڭ سوڭعى جەتىستىگى: جىلىنا 13 ميلليون ادام كەدەيلىكتەن قۇتىلادى
قازاقستان رەسپۋبليكاسىنىڭ ۇلتتىق مۋزەيى مەن قىتاي حالىق رەسپۋبليكاسىنىڭ قازاقستانداعى ەلشىلىگى ۇيىمداستىرعان بۇل فوتوكورمە قىتاي كوممۋنيستىك پارتياسى مەن ونىڭ كوشباسشىسى شي جينپيننىڭ باسشىلىعىمەن قىتايدىڭ سوڭعى بەس جىلداعى تاريحي جەتىستىكتەرىن كورسەتۋگە باعىتتالعان.
«ۇلتتىق مۋزەي ەل استاناسىندا ورنالاسقان مادەني ورىن رەتىندە شەت مەملەكەتتەردىڭ ەلشىلىكتەرىمەن بىرلەسىپ، كوپتەگەن مادەني شارالار ۇيىمداستىرۋدا. سولاردىڭ ءبىرى - بۇگىنگى «تاڭعاجايىپ قىتاي» فوتوكورمەسى. قىتاي كوممۋنيستىك پارتياسى كوپۇلتتى مەملەكەتتى باسقارا وتىرىپ، تاريحي رەفورمالاردى جۇرگىزۋ، ەكونوميكا جانە ساۋدا، عىلىم مەن تەحنيكا، حالىقارالىق قاتىناستار جانە سالالارعا باسا نازار اۋدارىپ، بولاشاققا نىق قادام جاساپ كەلەدى. ءدال وسىنداي كورمەلەردى ۇيىمداستىرۋ ارقىلى، ەكى ەل اراسىنداعى ساياسي- ەكونوميكالىق بايلانىستارمەن قاتار مادەني قارىم- قاتىناستاردى دا ارتتىرا الامىز. الداعى ۋاقىتتا دا كوپتەگەن شارالار اتقارامىز دەگەن سەنىمدەمىز» ، - دەدى ق ر ۇلتتىق مۋزەيى ديرەكتورىنىڭ مىندەتىن اتقارۋشى لەونيد كوچەتوۆ.
ءوز كەزەگىندە قىتاي حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى جاڭ حانحۋي جەلتوقسان ايىنىڭ قازاقستان مەملەكەتى ءۇشىن مەرەكەگە تولى اي ەكەنىن اتاپ ءوتىپ، بارشا قازاقستاندىقتاردى كەلە جاتقان مەيرامدارمەن قۇتتىقتادى جانە قازان ايىندا بەيجىڭدە وتكەن قىتاي كوممۋنيستىك پارتياسىنىڭ ⅩⅨسەزىن ەرەكشە اتاپ ءوتتى.
«قازان ايىنىڭ 18-24 كۇندەرى بەيجىڭدە قىتاي كوممۋنيستىك پارتياسىنىڭ ⅩⅨسيەزى ءوتتى. بۇل قىتاي ءۇشىن تاريحي ءارى ماڭىزدى وقيعا بولدى. وسى سەزدە پارتيا تۇجىرىمداماسىنا جاڭا وزگەرىستەر ەنگىزىلىپ، قىتايدىڭ جاڭا سوتسياليستىك باعدارلاماسىنداعى بەلەستەرگە قول جەتكىزۋ ءۇشىن جاسالاتىن جوسپارلار بەكىتىلدى» ، - دەيدى چجان حانحۋەي.
ەلشىنىڭ ايتۋىنشا، سوڭعى 5 جىلدىڭ ىشىندە ق ح ر باسشىلىعى كەدەيلىكتى جويۋ بويىنشا ۇلكەن ءىس اتقارعان. جىلىنا 13 ميلليوننان استام ادام كەدەيلىكتەن قۇتىلادى. ج ءى ءو كورسەتكىشى دە سالىستىرمالى تۇردە ۇلعايعان. سونداي- اق، قىتاي بيلىگى قازاقستاندىق تاراپپەن بىرلەسىپ، تاعدىرلار مەن مۇددەلەر ورتاقتاستىعىن قۇرۋعا دايىن.
«تاعدىرلار مەن مۇددەلەر ورتاقتاستىعى دەگەنىمىز - قىتاي مەن قازاقستاننىڭ ءوزارا تاجىريبە الماسۋى، اسىرەسە قىتاي ءوز دامۋىنداعى تاجىريبەسىمەن ءبولىسۋى، بىرلەسە جۇمىس ىستەۋ جانە اتقارعان ىستەردىڭ جەمىستەرىن بىرگە كورۋ. قىتاي باسشىلىعى قازاقستانمەن اراداعى قارىم- قاتىناستى جوعارى باعالايدى جانە قازاق حالقىنا ۇلكەن دوستاستىقپەن جانە ىقىلاسپەن قارايدى» ، - دەدى ەلشى.
سونداي- اق، ەلشىلىك وكىلى كەلەسى جىلدان باستاپ، قىتاي كورمەسى بويىنشا شارالاردى اي سايىن وتكىزىپ تۇرۋ جوسپارلانعانىن حابارلادى.
«كورمەلەر ارقىلى قىتايدىڭ ءاربىر پروۆينتسيالارىن، كورىكتى مەكەندەرىن كورە الاسىزدار. قاي ورىن تۋرالى كەلۋشىلەردىڭ قىزىعۋشىلىعى تۋسا، سول جەر تۋرالى قاجەتتى اقپاراتتاردى بەرۋگە دايىنبىز» ، - دەپ ءوز ءسوزىن تۇيىندەدى جاڭ حانحۋي.
