رەسەيدە كولگە قايىقپەن سەرۋەنگە شىققان ساپاردا 13 بالا سۋعا كەتتى

قازىر قۇتقارۋشىلار سياموزەرو كولىندەگى ىزدەستىرۋ جۇمىستارىن توقتاتتى. ال سەرۋەنگە شىققانداردىڭ بارلىعىنىڭ قايدا ەكەندىكتەرى تولىق انىقتالدى.

باستاپقى تەرگەۋ بارىسىندا «پارك- وتەل سياموزەرو» ساۋىقتىرۋ لاگەرىندە سەنبى كۇنى دەمالۋشىلار ءۇش قايىقپەن سياموزەرو كولىنە سەرۋەنگە شىعىپ داۋىلعا ۇرىنعاندىعى انىقتالدى.

ءۇش قايىقتا ماسكەۋدەن دەمالۋعا كەلگەن بارلىعى 12-17 جاس ارالىعىنداعى 47 بالا مەن 4 ەرەسەك نۇسقاۋشى بولعان. ەكى قايىق قاتتى جەلدەن اۋدارىلىپ قالعان.

رەسەي تەرگەۋ كوميتەتى وقيعا بويىنشا قىلمىستىق ءىس قوزعادى. قازىر ساپاردى ۇيىمداستىرعان ەكى نۇسقاۋشى قامالعان، ولاردان جاۋاپ الىنۋدا.

كارەليادا جەرگىلىكتى اكىمشىلىك 20 - ماۋسىمدى قارالى كۇن دەپ جاريالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى