ا ق ش- تا ولتىرىلگەن قازاقستاندىق جەتكىنشەكتەر 13 جىل بۇرىن شۋچە قالاسىنان اسىراپ الىنعان
ق ر ءبىلىم جانە عىلىم مينيسترلىگىنىڭ حابارلاۋىنا قاراعاندا، كوكتيەۆ تيمۋر دانيار ۇلى 1997 - جىلى، ال ءابدىراحمانوۆ دامير دۋلات ۇلى 1999 - جىلى تۋعان(اسىراپ الىنعاننان كەيىن ولارعا - كارلسون توري (تيمۋر) جانە كارلسون كۋينن (دامير) دەگەن ەسىمدەر بەرىلگەن).
ولار اقمولا وبلىسى كوكشەتاۋ قالاسىندا تۋعان جانە شۋچە قالاسىنداعى بالالار ءۇيىنىڭ تاربيەلەنۋشىلەرى بولاتىن. اقمولا وبلىسى شورتاندى اۋداندىق سوتىنىڭ ت. د. كوكتيەۆ پەن د. د. ءابدىراحمانوۆتى اسىراپ الۋعا بەرۋ تۋرالى شەشىمى 2002 - جىلدىڭ شىلدەسىندە زاڭدى كۇشىنە ەنگەن. اسىراپ الىنعان ۋاقىتىندا تيمۋر 5، ال دامير 3 جاستا بولاتىن.
اسىراپ الۋشىلار - كارلسون تەرري ۋيليام 1957 - جىلى تۋعان جانە كارلسون لانا دجەين 1966 - جىلى تۋعان، ا ق ش ازاماتتارى، اسىراپ الۋ كەزىندە ۆاشينگتون شتاتىنىڭ سيەتل قالاسىندا تۇرعان.
«ق ر ءبىلىم جانە عىلىم مينيسترلىگى وقيعا بارىسىن ءجىتى باقىلايتىن بولادى جانە ق ر سىرتقى ىستەر مينيسترلىگىمەن بىرلەسە ۇيلەستىرىلگەن جۇمىستار اتقارادى. بۇدان بولەك، مينيسترلىك ا ق ش ازاماتتارى اسىراپ العان قازاقستاندىق بالالاردىڭ قايعىلى وقيعا سالدارىنان قازاعا ۇشىراۋىنا بايلانىستى كوڭىل ايتادى» دەلىنگەن باسپا ءسوز بايانىندا.
ەسكە سالا كەتەيىك، وتكەن جۇما كۇنى ۆاشينگتون شتاتىنىڭ تۇرعىنى دەۆيد كەمپبەلل ءوزىنىڭ ايەلى لانا كارلسون (49 جاستا) مەن اسىراپ العان ەكى بالاسى كۋين كارلسون (16 جاستا) جانە توري كارلسوندى (18 جاستا) اتىپ ولتىرگەن بولاتىن. كەيىن ول ءوز- وزىنە قول جۇمساعان. كوز جۇمعان تاعى ءبىر قىزدىڭ ەسىمى ازىرگە اتالمادى. كورشىلەرى ولاردىڭ ورىس تىلىندە سويلەسكەندەرىن ايتقاندىقتان، جەتكىنشەكتەردى رەسەيدەن اسىراپ العان دەگەن بولجام ايتىلعان بولاتىن.
اۆتور: قانات مامەتقازى ۇلى
