شاڭحاي ىنتىماقتاستىق ۇيىمىنىڭ قۇرىلعانىنا 13 جىل تولدى

اتالمىش شاراعا ۇيىمعا مۇشە ەلدەردىڭ ديپلوماتيالىق وكىلدەرى مەن قىتاي سىرتقى ىستەر ءمينيسترى ۆان ي قاتىستى. ول ۇيىمنىڭ 13 جىلدىعىمەن قۇتتىقتاي وتىرىپ، اتقارعان جۇمىسىنا جوعارى باعا بەردى.

مينيستر ءوز سوزىندە ش ى ۇ-نا مۇشە مەملەكەتتەردىڭ باسشىلارىنىڭ ءوزارا تۇسىنىستىگى مەن ىنتىماقتاستىعىنىڭ ارقاسىندا ۇيىم ايماقتاعى بەيبىتشىلىك پەن تۇراقتىلىقتى قامتاماسىز ەتۋدىڭ نەگىزگى كۇشىنە اينالعانىن ايتتى.

شاراعا قاتىسقان ساراپشىلار ش ى ۇ-نىڭ باستى ماقساتتارىنىڭ ءبىرى ب ۇ ۇ مەن ت م د سەكىلدى حالىقارالىق ۇيىمدارمەن ىقپالداسۋ اياسىن كەڭەيتۋ بولىپ تابىلاتىندىعىن باسا ايتتى.

دميتريي مەزەنتسيەۆ، شانحاي ىنتىماقتاستىق ۇيىمىنىڭ باس حاتشىسى:

ش ى ۇ-نىڭ بەدەلى جىلدان-جىلعا ارتىپ كەلەدى. ۇيىممەن ارىپتەستىك قاتىناستاعى جانە باقىلاۋشى ەلدەر قاتارى تولىعا تۇسۋدە. قازىر ۇيىمنىڭ 2025 - جىلعا دەيىنگى دامۋ ستراتەگياسىن جوبالاۋدامىز.

ۇيىم وعان مۇشە ەلدەردىڭ ساياسي-ديپلوماتيالىق، ساۋدا-ەكونوميكالىق جانە مادەني-گۋمانيتارلىق سالالارداعى ىنتىماقتاستىعىن جاڭا ساتىعا كوتەرۋدە تىنىمسىز جۇمىس اتقارۋدا.

دارەن باۋىرجان ۇلى

kaztv.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى