الماتىدا 139 ارحيتەكتۋرالىق نىسانعا جارىق تۇسىرگىش جۇيە ورناتىلادى

بۇل تۋرالى بۇگىن الماتى قالاسى اكىمىنىڭ باسپا ءسوز قىزمەتىنەن حابارلادى.

تۇنگى ۋاقىتتا جارىقتاندىرۋ تەحنولوگياسىن قولدانۋداعى باستى ماقسات - كومەسكى ءتۇرلى ءتۇستى جارىق ءتۇسىرۋ ارقىلى بەتكە ۇستار نىسانداردى ەرەكشە قىرىنان كورسەتۋ جانە الماتى قالاسىنىڭ تۋريستىك تارتىمدىلىعىن ارتتىرۋ.

قازىر عيماراتتار مەن ەسكەرتكىشتەردى جانە باسقا دا نىسانداردى جارىقتاندىرۋ تۇجىرىمداماسى ازىرلەنىپ جاتىر. كەيىن، قالا قۇرىلىسى كەڭەسىنىڭ تالقىسىنا بەرىلەدى.

سونىمەن استانا الاڭى مەن رەسپۋبليكا الاڭىنداعى تاۋەلسىزدىك مونۋمەنتىندە، ورتالىق مەشىتتە جانە كافەدرالدى شىركەۋدە جارىق تۇسىرگىش تەحنولوگيا ورناتىلادى.

سونداي-اق، جارىق جۇيەسى ماڭگىلىك الاۋ، وفيتسەرلەر ءۇيى، اباي اتىنداعى مەملەكەتتىك اكادەميالىق وپەرا جانە بالەت تەاترى، ن. ساتس اتىنداعى تەاتر، ءا. قاستەيەۆ اتىنداعى ۇلتتىق مۋزەي، ق ر عىلىم اكادەمياسى، ءال-فارابي اتىنداعى قاز ۇ ۋ، قازاقستان-بريتان تەحنيكالىق ۋنيۆەرسيتەتى، ورتالىق ستاديون، مۇز ايدىنى، سيرك، «بالالار الەمى» دۇكەنى، «الماتى» قوناق ءۇيى، زاڭعار، «City Center»   ساۋدا ويىن-ساۋىق ورتالىعى، «سايران» اۆتوۆوكزالى، اۋەزوۆ اۋدانىنىڭ اكىمدىگى جانە باسقا دا نىساندارعا ورناتىلىپ، سول نىسانداردىڭ ارحيتەكتۋرالىق انسامبىلىمەن ۇيلەستىرىلەتىن بولادى.

الماتىدا كومەسكى جارىق ءتۇسىرۋ تەحنولوگياسى بيۋدجەتتەن تىس قاراجات ەسەبىنەن ەنگىزىلەدى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى