اباي وبلىسىنىڭ قۇتقارۋشىلارى بيىل 138 ادامدى امان الىپ قالدى
وبلىستىق ت ج د باسپا ءسوز قىزمەتىنىڭ مالىمەتىنە سۇيەنسەك، 16-قاراشا كۇنى ق ر توتەنشە جاعدايلار ۆيتسە-ءمينيسترى مارات كۇلدىكوۆ اباي وبلىسىنا كەلىپ، حالىقپەن كەزدەستى. ءوڭىردىڭ سۋ تاسقىنىنا قاۋىپسىزدىگى، ورمان ورتتەرىنەن قورعالۋى، ازاماتتىق قورعاۋ قىزمەتكەرلەرىنىڭ الەۋمەتتىك قامسىزداندىرىلۋ جاعدايىن جاقسارتۋ تۋرالى ءسوز قوزعالدى.
جىل باسىنان بەرى ت ج د بولىمشەلەرى 2800 دەن استام رەت ءتۇرلى جاعدايلارعا اتتاندى. سونىڭ ناتيجەسىندە 138 ادام قۇتقارىلىپ، قاۋىپ ورنىنان ەۆاكۋاتسيالاندى.
«وبلىستاعى تابيعي ورتتەرگە قاتىستى احۋال ەرەكشە نازار اۋدارۋدى قاجەت ەتەدى. بۇگىنگى تاڭداعى نەگىزگى مىندەتىمىز - ەلدى مەكەندەر مەن ماڭىزى بار وبەكتىلەردى ماۋسىمدىق قاۋىپ-قاتەرلەردەن قورعاۋ بويىنشا ءتيىمدى شارالاردى ىسكە اسىرۋ. الدا قىس مەزگىلى كەلە جاتىر. توتەنشە جاعدايلاردىڭ الدىن الۋ شارالارىنا جانە حالىققا كومەك كورسەتۋ جاعدايىندا جەدەل دەن قويۋعا نازار اۋدارعان ءجون، - دەدى مارات كۇلدىكوۆ.
كەزدەسۋدەن كەيىن ۆيتسە-مينيستر ازاماتتاردى جەكە ماسەلەلەرى بويىنشا قابىلدادى.
