ەلوردادا 137 باعدارشام ينتەللەكتۋالدى كولىك جۇيەسىنە قوسىلدى
ەستەرىڭىزگە سالساق، استاناداعى ينتەللەكتۋالدى كولىك جۇيەسى 2015-جىلى تانىستىرىلعان بولاتىن. كولىك جانە جول-كولىك ينفراقۇرىلىمى باسقارماسىنىڭ مالىمەتىنە سايكەس، نۇر-سۇلتان جولدارىنىڭ 5 پايىزى ينتەللەكتۋالدىق كولىك جۇيەسىمەن قامتىلعان.
قازىر جوبانىڭ ءۇشىنشى كەزەڭىن جوبالاۋ جۇمىسى اياقتالىپ جاتىر. 2020-جىلدان باستاپ قالعان جول قيىلىستارىن جاڭعىرتۋ كوزدەلىپ وتىر، ول - 118 باعدارشام.
ايتا كەتسەك، بۇل جۇيە قالالىق ترافيكتىڭ پروبلەماسىن تولىعىمەن شەشە المايدى. ماسەلەنى شەشۋ ءۇشىن كىشى كولىك اينالىمىنىڭ قۇرىلىسىن اياقتاۋ كەرەك. ول كولىك قوزعالىسىن ۇزدىكسىز قامتاماسىز ەتۋگە مۇمكىندىك بەرەدى. ماڭگىلىك ەل داڭعىلىنا بالاما رەتىندە تاۋەلسىزدىك داڭعىلى قۇرىلىسىنىڭ جالعاسىن اياقتاۋ كەرەك.
«سول جاعالاۋ تولىعىمەن ينتەللەكتۋالدىق جۇيەگە قوسىلعان، الايدا مۇندا كولىك كوللاپسى ءجيى بولىپ تۇرادى. ءبىرىنشى كەزەكتە تۇيىق كوشەلەر مەن نەگىزگى ماگيسترالداردى وتكىزۋ كەرەك. ءتىپتى، كوپتەن كۇتكەن اسان قايعى كوشەسىنىڭ قۇرىلىسى ماسەلەنى شەشە المايدى. ويتكەنى ول تاجىريبە جۇزىندە ءۋاليحانوۆ كوشەسىن قايتالاپ وتىر. كەپتەلىستەر كراۆتسوۆ كوشەسىنەن باستالىپ، تاحا حۋسەين كوشەسىنە تىرەلەدى. ودان تاشەنوۆ كوشەسىنەن سول جاعالاۋعا ماڭگىلىك ەل داڭعىلىنا تىرەلەدى. ءارى قاراي كولىك جۇرە المايدى. سول جەردە كەپتەلىستەر باستالادى»، - دەدى كولىك جانە جول كولىك ينفراقۇرىلىمى باسقارماسىنىڭ باسشىسى نۇرلان سولتامبەكوۆ.
