اتىراۋ وبلىسىندا 136 جۇكتى ايەل ۆيرۋستى ينفەكسيا جۇقتىردى

«ءجىتى رەسپيراتورلى ۆيرۋستى ينفەكسيا (ج ر ۆ ي) وبلىستا قازاندا باستالدى. وسى جىلى جۇكتى ايەلدەر كوبىرەك اۋىردى. 9 -قاراشادا بارلىعى وبلىستىق كوپبەيىندى اۋرۋحاناعا ج ر ۆ ي دياگنوزىمەن 136 جۇكتى ايەل جاتقىزىلدى. 33 ايەلدىڭ اۋرۋى اسقىنىپ، پنيەۆمونياعا اينالىپ كەتكەن. ولار جانساقتاۋ بولىمىنە جەتكىزىلدى.

اۋرۋى اسقىنعان بەسەۋى استانا مەن الماتىعا جونەلتىلدى. ولاردىڭ جاعدايى تۇراقتى. پنيەۆمونيانىڭ اۋىر تۇرىمەن ەكى ايەلدى امان الىپ قالۋ مۇمكىن بولمادى. ولاردىڭ ءبىرى ماحامبەت، ەكىنشىسى جىلىوي اۋدانىنىڭ تۇرعىنى. قازىر اتىراۋ جانساقتاۋ بولىمىندە ءۇش ايەل جاتىر. ولاردىڭ جاعدايى اۋىر. ايەلدەردىڭ كەيبىرى بۇدان بۇرىن ءارتۇرلى سەبەپتەرمەن ەكپەدەن باس تارتتى»، - دەپ حابارلادى وڭىرلىك كوممۋنيكاتسيالار قىزمەتىندە بريفينگتە دەنساۋلىق ساقتاۋ باسقارماسى باسشىسىنىڭ ورىنباسارى دينا كامەلوۆا.

دارىگەرلەر اۋرۋدىڭ تارالۋى ۇلعاياتىنىن ەسكەرتەدى. قاۋىپ توبىنا جۇكتى ايەلدەرمەن قوسا، بالالار، ەرەسەك ادامدار، كەز كەلگەن ادام جاتادى. «اتىراۋ وبلىسىندا جىل سايىن 2000 نان استام تۇماۋ جۇقتىرۋ جاعدايى تىركەلدى. ولاردىڭ نەگىزگى ۇلەسى 14 جاسقا دەيىنگى بالالارعا كەلەدى، بۇل جالپى اۋرۋدىڭ 76 پايىزىن قۇرايدى».

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى