يندونەزياداعى ۇشاق اپاتىنان اجال قۇشقاندار سانى 135 ادامعا جەتتى

بۇل تۋرالى Detik جاڭالىقتار پورتالى حابارلادى، دەپ جازادى ت ا س س.

«ادام ماليك قالالىق اۋرۋحاناسىنا 135 ادامنىڭ ءمايىتى جەتكىزىلدى»، - دەدى جۋرناليستەرگە اتالمىش مەديتسينالىق مەكەمەنىڭ وكىلى.

ونىڭ سوزىنە قاراعاندا، قازا تاپقانداردىڭ قايسىسى اسكەري، قايسىسى جەرگىلىكتى تۇرعىن ەكەنى ازىرگە انىقتالمادى.

سونداي-اق پورتالدا اجال قۇشقانداردان قانشا ادامنىڭ ۇشاقتا بولعانى ازىرگە بەيمالىم ەكەنى حابارلانادى. ال وسىعان دەيىن قۇلاعان ۇشاق بورتىندا 12 ەكيپاج مۇشەسى، سونىمەن بىرگە 101 جولاۋشى بولعانى ايتىلعان ەدى.

قايعىلى وقيعا كەشە، سەيسەنبى كۇنى جەرگىلىكتى ۋاقىتپەن ءتۇس كەزىندە يندونەزيالىق مەدان قالاسىندا ورىن الدى. «گەركۋلەس» قۇلاعان جەردە ءورت شىقتى. كۋاگەرلەردىڭ ايتۋىنشا، ۇشاق «گولدەن ەليەۆان» قوناق ءۇيى شاتىرىنىڭ ۇستىندە جارىلعان. قۇلاعان كەزدە ۇشاق بىرنەشە عيمارات پەن كولىكتى جاناپ كەتكەن.

اپاتقا بايلانىستى مەداندا يندونەزيانىڭ ءا ءا ك ءوز قاراماعىنداعى Hercules ۇشاقتارىنىڭ ولاردىڭ بولاشاقتا ادام تاسىمالداۋعا قانشالىقتى جارامدىلىعىن انىقتاعانشا اۋەگە كوتەرىلۋىنە تىيىم سالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى