قازاقستاندا 1356 كوپبالالى وتباسى جالدامالى پاتەرگە قول جەتكىزدى
باسپاءسوز قىزمەتىنىڭ مالىمەتىنشە، «نۇرلى جەر» باعدارلاماسى اياسىندا 2025 - جىلعا دەيىن از قامتىلعان كوپبالالى وتباسىلار ءۇشىن 40 مىڭ جالدامالى پاتەر سالىناتىن بولادى.
«تەك مامىر ايىندا عانا بارلىق قارجى كوزدەرى ەسەبىنەن بۇكىل ەلىمىز بويىنشا 1356 كوپبالالى وتباسى باسپانامەن قامتاماسىز ەتىلدى. كوپبالالى وتباسىلارعا تۇرعىن ءۇي بەرۋدىڭ العاشقى ناتيجەلەرى وسىنداي. بۇل جۇمىس مينيسترلىكتىڭ تۇراقتى باقىلاۋىندا. بۇگىنگى تاڭدا قازاقستاندا 31725 وتباسى شارشى مەترگە مۇقتاج جاندار رەتىندە اكىمدىكتەردە ەسەپتە تۇر»، دەلىنگەن حابارلامادا.
«تۇرعىن ءۇي قۇرىلىس جيناق بانكى» ا ق ارقىلى قوسىمشا شارا رەتىندە ماۋسىم ايىندا كوپبالالى، تولىق ەمەس وتباسىلاردى، سونداي- اق مۇمكىندىگى شەكتەۋلى بالالارى بار وتباسىلاردى جەڭىلدىكپەن نەسيەلەۋدى ىسكە قوسۋ جوسپارلانىپ وتىر. بۇل قارىزدار جىلدىق % 2 ستاۆكا بويىنشا، 20 جىلعا دەيىنگى مەرزىمگە، باستاپقى جارناسى % 10 - دان باستاپ بەرىلەدى. باستاپقى جارنانىڭ ءبىر بولىگى تۇرعىن ءۇي سەرتيفيكاتىمەن جابىلۋى مۇمكىن.
ق ر ي ي د م قۇرىلىس جانە تۇرعىن ءۇي- كوممۋنالدىق شارۋاشىلىق ىستەرى كوميتەتىنىڭ دەرەكتەرى بويىنشا، بۇگىنگى كۇنى كەزەكتە تۇرعان كوپبالالى وتباسىلار 2025 - جىلعا دەيىن مەملەكەتتەن تۇرعىن ۇيمەن تولىق قامتاماسىز ەتىلەدى.
«تەك بيىل عانا 12 مىڭ وتباسى ءوز پاتەرىنە قونىستانادى (6 مىڭى جالدامالى تۇرعىن ءۇي ەسەبىنەن جانە 6 مىڭى «تۇرعىن ءۇي قۇرىلىس جيناق بانكى» ارقىلى جەڭىلدىكپەن نەسيە بەرۋ ەسەبىنەن). وسىلايشا، 3-4 جىل ىشىندە مينيسترلىك تۇرعىن ۇيگە مۇقتاج كوپبالالى وتباسىلاردىڭ ماسەلەسىن تولىق شەشۋدى جوسپارلاپ وتىر. قابىلدانىپ جاتقان شارالار از قامتىلعان كوپبالالى وتباسىلاردىڭ تۇرعىن ءۇي جاعدايىن جاقسارتۋعا مۇمكىندىك بەرەدى، بۇل تۇتاستاي العاندا ەلىمىزدىڭ حالقىنىڭ ءال- اۋقاتى مەن ءومىر ءسۇرۋ ساپاسىن ارتتىرادى»، دەلىنگەن حابارلامادا.
