تاشكەنت- الماتى ۇشاعىندا 134 جولاۋشى بولعان، ەشكىمنىڭ ەش جەرى سىنعان جوق – اۋە كومپانياسى

وقيعا كەشە، 2- قاڭتاردا تاشكەنت-الماتى باعىتىندا قاتىنايتىن KC128 رەيسىندە بولدى.

Airbus A321 بورتىندا 134 جولاۋشى مەن ءبىر نارەستە، سونداي-اق 9 ەكيپاج مۇشەسى بولعان.

اۆياكومپانيا قىزمەتكەرلەرىنىڭ ەشقايسىسى زارداپ شەككەن جوق.

قازىرگى ۋاقىتتا ەكى جولاۋشى مەديتسينالىق كومەككە جۇگىندى. ولار الماتى قالاسىنداعى اۋرۋحانالاردىڭ بىرىندە تەكسەرۋدەن ءوتىپ جاتىر.

دارىگەرلەردىڭ الدىن الا اقپاراتىنا سايكەس، ەشكىمنىڭ ەش جەرى سىنباعان.

Air Astana اۆياكومپانياسىنىڭ قىزمەتكەرلەرى جولاۋشىلارعا كومەك كورسەتۋ ءۇشىن اۋرۋحانادا ءجۇر.

ەسكە سالا كەتەيىك، بۇگىن Air Astana اۋەكومپانياسىنىڭ تاشكەنتتەن الماتىعا ۇشىپ شىققان KC 128 رەيسىنىڭ بورتىندا قاتتى تۋربۋلەنتتىلىك بولعان.

ۇشاق جەرگىلىكتى ۋاقىت بويىنشا 14.35 تە ۇشقان، ساپار بارىسىندا اۋە لاينەرى كەنەتتەن قاتتى تۋربۋلەنتتىلىك ايماعىنا ءتۇستى.

كومپانيا وقيعادان جەتى جولاۋشى ءتۇرلى جاراقات العانىن حابارلادى.

كەيىننەن ازاماتتىق اۆياتسيا كوميتەتى «تاشكەنت - الماتى» رەيسىندەگى توتەنشە جاعدايدان زارداپ شەككەن جولاۋشىلار جايىندا مالىمەت بەردى.

كوميتەتتىڭ الدىن الا اقپاراتىنا سەنسەك، وقيعادان 5 ادام جاپا شەككەن.

توتەنشە جاعدايعا تاپ بولعان Air Astana ۇشاعىنداعى وزبەكستاندىق ەكى ايەلدىڭ 4№ قالالىق كلينيكالىق اۋرۋحاناعا جەتكىزىلگەنى ءمالىم بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى