وڭتۇستىك قازاقستاندا بالالارىنا باعىماقى تولەمەي جۇرگەن 134 ادام جۇمىسقا تۇرعىزىلدى

بيىلدىڭ وزىندە 84 بورىشكەر اكىمشىلىك جاۋاپكەرشىلىككە تارتىلىپ، ەكەۋىنە قاتىستى سوت ۇكىمى شىققان، دەپ حابارلايدى قازاقپارات ءتىلشىسى.

وبلىستىق پروكۋراتۋرانىڭ باسپا ءسوز قىزمەتى حابارلاعانداي، 612 بورىشكەر جۇمىسسىزدار ەسەبىنەن شىعارىلىپ، ونىڭ 134 جۇمىسقا تۇرعىزىلدى. وسىنداي ناقتى شارالار قولدانۋدىڭ ارقاسىندا جىل باسىنان بەرى 19 ميلليون تەڭگەدەن استام اليمەنت بەرەشەك قارىز ءوندىرىلدى.

قاداعالاۋ ورگانى وكىلدەرىنىڭ باستاماسىمەن قولعا الىنعان «اليمەنت. تولەمەۋگە قارسى 30 قادام» جوباسى اياسىندا سوت ورىنداۋشىلار مەن ىشكى ىستەر قىزمەتكەرلەرى، پروكۋراتۋرا جانە باسقا دا ۋاكىلەتتى ورگاندار وكىلدەرىنەن موبيلدىك توپتار قۇرىلدى.

توپ مۇشەلەرى بورىشكەرلەردىڭ مەكەنجايىن انىقتاپ، ولاردان اليمەنت ءوندىرۋدىڭ جولدارىن قاراستىرۋدا. بۇل باعىتتا تۋىندايتىن ماسەلەلەردى شەشىپ، قاجەت بولعاندا بورىشكەرلەرگە تىعىرىقتان شىعۋدىڭ جولىن كورسەتەدى. سونداي-اق ولاردىڭ مىندەتىنە اليمەنت وندىرۋدە زاڭدىلىقتى، شىنايىلىقتى دەر كەزىندە ورىندالۋىن قامتاماسىز ەتۋ جۇكتەلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى