ءا. جاقسىبەكوۆ ەلوردالىق 132 تۇلەككە «التىن بەلگى» توسبەلگىلەرىن تابىس ەتتى

«بۇگىن ءبارىڭىز ءۇشىن ەرەكشە كۇن. مەكتەپ قابىرعاسىندا وتكەن جىلداردى ارتقا تاستاپ، ۇلكەن ومىرگە اياق باسىپ وتىرسىزدار. وسى قۋانىشتى كۇنمەن بارلىعىڭىزدى قۇتتىقتايمىن. ەلباسى نۇرسۇلتان ءابىش ۇلى نازاربايەۆتىڭ قامقورلىعىنىڭ ارقاسىندا جاس ۇرپاققا ساپالى ءبىلىم، جاقسى تاربيە الۋ ءۇشىن بارلىق جاعداي جاسالعان. سەبەبى ەلىمىزدىڭ بولاشاعى سىزدەردىڭ قولدارىڭىزدا. كەلەشەكتە مەملەكەتىمىزدى، استانامىزدى ودان ارى كوركەيتۋگە ءوز ۇلەستەرىڭىزدى قوساسىزدار دەپ سەنەمىن. سىزدەرگە ساپالى ءبىلىم جانە تاربيە بەرگەن ۇستازدارعا ريزاشىلىعىمدى بىلدىرەمىن»، - دەدى تۇلەكتەردى قۇتتىقتاعان قالا باسشىسى.

اكىمنىڭ اتاپ وتۋىنشە، بيىل ەلوردادا 4695 تۇلەك اتتەستات العان. سونىمەن بىرگە ولاردىڭ قازىرگى كەزدەگى باستى مىندەتتەرى ومىرلىك جولدا تىرەك، سەنىمدى سەرىك بولاتىن كاسىپتى انىقتاۋ ەكەندىگىن دە ايتتى.

«جوعارى وقۋ ورىندارىنىڭ ەسىكتەرى سىزدەر ءۇشىن اشىق. ءبىلىم بەرۋ گرانتتارى ۇلعايتىلىپ، شاكىرتاقى مولشەرى ۇلعايتىلدى. الەمدىك دەڭگەيدەگى «نازاربايەۆ ۋنيۆەرسيتەتى» قۇرىلدى. سىزدەر وقۋدى جالعاستىرىپ، ۇدايى ءبىلىم الىپ، جاڭا ماشىقتاردى يگەرۋ ارقىلى كۇندەلىكتى ومىردە ءبىلىم مەن تەحنولوگيالاردى ەلىمىزدىڭ يگىلىگى ءۇشىن ءتيىمدى پايدالانۋلارىڭىز قاجەت»، - دەدى ءا. جاقسىبەكوۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى