تۇڭعىش پرەزيدەنت كەڭسەسىنە بولىنەتىن قارجى 130 ميلليون تەڭگەگە قىسقارتىلادى

بۇل تۋرالى قارجى ۆيتسە- ءمينيسترى داۋرەن تەمىربەكوۆ ايتتى، دەپ حابارلايدى قازاقپارات ءتىلشىسى.

«ناقتىلانعان بيۋدجەت اياسىندا ق ر تۇڭعىش پرەزيدەنتى كەڭسەسىنەن شامامەن 130 ميلليون تەڭگەنى قىسقارتاتىن بولامىز. قاراجات 1-1,5 ميلليارد تەڭگەسى شاماسىندا بولىنگەن. سودان شامامەن 130 ميلليون تەڭگەنى الىپ تاستايمىز. بۇل تەك وسى جىلعا عانا»، - دەدى داۋرەن تەمىربەكوۆ سەناتتا 2023 -جىلعا ارنالعان رەسپۋبليكالىق بيۋدجەتتى ناقتىلاۋ تۋرالى زاڭ جوباسىن تالقىلاۋدان كەيىن ب ا ق وكىلدەرىنىڭ ساۋالىنا وراي.

ەستەرىڭىزگە سالا كەتسەك، 15-اقپاندا مەملەكەت باسشىسى «قازاقستان رەسپۋبليكاسىنىڭ تۇڭعىش پرەزيدەنتى - ەلباسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ كۇشى جويىلدى دەپ تانۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا قول قويعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى