الەمدە 130 ميلليون قازاق بار ەكەن
بۇكىل الەمدە 17,500,000 اسا قازاق بار.. .
ەڭ كوپ تارالعان ەلدەر
1) قازاقستان 11,385,000
2) وزبەكستان 2,500,000
3) قىتاي 2,200,000
4) رەسەي 1,310,000
5) موڭعوليا 145,000
6) تۇرىكمەنستان 120,000
7) قىرعىزستان 45,000
8) تۇركيا 30,000
9) اۋعانستان 30,000
10) گەرمانيا 17,000
11) يران 11,000
12) تاجىكستان 10,000
13) ا ق ش 10,000
14) ۋكراينا 6,000
15) پاكىستان 5,000
16) كانادا 5,000
17) ءازىربايجان 3,000
18) گرۋزيا 3,000
19) مولدوۆا 3,000
20) ۇلىبريتانيا 2,000
21) ساۋد ارابياسى 2,000
22) فرانسيا 2,000
23) ليتۆا 2,000
24) بەلارۋس رەسپۋبليكاسى 1,500
25) ارمەنيا 1,000
26) ەستونيا 1,000
27) ەگيپەت (مىسىر) 1,000
28) ارگەنتينا 1,000
الەمنىڭ 55 ەلىندە 17,5 ميلليون قازاق بار (18.10.2014) .
قاراپ وتىرعاندارىڭىزداي بۇل 2014 -جىلعى مالىمەت ەكەن. ودان بەرى ءۇش جىل وتكەنىن ەسكەرسەك، قۇداي قالاسا قازاقتاردىڭ سانى 20 ميلليونعا جەتىپ قالعان شىعار. بۇل رەسمي دەرەكتەر عانا. شىن مانىندە الەمدە قانشا قازاق بارىن ەشكىم بىلمەيدى. كەڭەس وكىمەتى قۇرىلار كەزدە قانشاما باۋىرىمىز شەكارا اسىپ كەتتى. ⅩⅩعاسىردىڭ باسىنا دەيىن ءبىزدىڭ جەر بولىپ كەلگەن ءبىراز ايماعىمىز كورشىلەس مەملەكەتتەرگە ءوتىپ كەتتى. ول جەرلەردە ءومىر ءسۇرىپ جاتقان قازاقتار بايىرعى اتا- بابالارىنىڭ ەلىندە قالدى. ءوزىنىڭ كىندىك قانى تامعان، اناسى ۇل- قىزىن وسىرگەن، اكەسى اتامەكەنىن جاۋدان قورعاعان جەردە ءجۇر. بۇل ايماقتاردا تىركەلگەن قازاق پەن ساناق كەزىندە ەسەپكە الىنباعان باۋىرلارىمىز بولۋى دا عاجاپ ەمەس. ءتىپتى، وزبەكستاندا ءتولقۇجاتى بويىنشا وزبەك بولىپ جۇرگەن قانداستارىمىزدىڭ دا بار ەكەنى بەلگىلى. نەسىن جاسىرامىز قىتاي، موڭعوليا، قىرعىزستان سەكىلدى قازاقتار كوپ شوعىرلانعان ايماقتاردا دا وزبەكستانداعى جاعدايدىڭ قايتالانۋى دا مۇمكىن عوي. بەيرەسمي مالىمەتتەرگە سۇيەنسەك، قازىر الەمدەگى قازاقتاردىڭ سانى 50 ميلليونعا جۋىق كورىنەدى. لايىم سولاي بولسىن.
وتكەن جىلى ەلىمىزگە ارنايى ءىس- ساپارمەن كەلگەن تۇركيانىڭ سول كەزدەگى پرەمەر- ءمينيسترى احمەت ءداۋىتوعلى تۇرىك پەن قازاقتى تۋىس، قانى دا، جانى دا ءبىر ۇلىستار رەتىندە بەينەلەپ «تۇركيادا مەنى قوسقاندا 78 ميلليون 600 مىڭ قازاق بار» - دەپ اعىنان جارىلعان ەدى. وسىمەن قوسقاندا الەمدەگى قازاقتاردىڭ سانى 130 ميلليونعا جۋىقتاپ قالادى.
ءبىز كۇشتى بولۋىمىز كەرەك، كۇشتى بولۋ ءۇشىن كوپ بولۋىمىز قاجەت. «كوپ قورقىتادى، تەرەڭ باتىرادى» ، - دەگەن ءسوزدى ۇمىتپاعانىمىز ءجون. ۋا، اللام، قازاقتاردىڭ سانىن قىتايلاردان كەم قىلما.
ازيز ءجۇمادىلدا ۇلى
osken-onir.kz
