قىتاي 13,5 ميلليارد ادام ءبىر ۋاقىتتا سويلەسەتىن بايلانىس جۇيەسىن سىناقتان وتكىزدى
«بۇل قىتاي وپتيكالىق بايلانىس تەحنولوگياسى دامۋدىڭ جاڭا كەزەڭىنە ءتۇستى دەگەن ءسوز، الىس قاشىقتىقتارعا كوز ىلەسپەس جىلدامدىقپەن اسا ءىرى دەرەكتەر كولەمى جىبەرىلەتىن بولادى»، - دەدى جوباعا قاتىسۋشىلار.
ولار اقپارات جىبەرۋ جىلدامدىعىنىڭ سەكۋندىنا 560 تەرابايت بولعانىن اتاپ ءوتتى. سوڭعى ۋاقىتتا جەلىلىك بايلانىستىڭ جاھاندىق جۇيەلەرى اقپاراتتىڭ كوبەيۋىنەن كوپ اۋىرتپالىققا ۇشىراۋدا. سوندىقتان، الەمنىڭ كوپتەگەن ەلىندە، سونىڭ ىشىندە ق ح ر- دا جەتىلدىرىلگەن وپتيكالىق- تالشىقتى تەحنولوگيالاردى ازىرلەۋ قاجەتتىلىگى تۋىندادى. قىتاي جىلدامدىعى سەكۋندىنا 100 تەرابايتتان اساتىن بايلانىس جۇيەسىن سىناقتان وتكىزىپ كوردى، الايدا جەرگىلىكتى بيلىك ءبىر جىلدان كەيىن بۇل كورسەتكىشتى ەكى ەسەگە، كەيىنىرەك ءۇش ەسەگە كوبەيتتى.
