قازاقستان دۇنيەجۇزىلىك ساۋدا ۇيىمىنا كىرگەننەن كەيىن جاڭا كولىكتەردىڭ يمپورتتىق سالىقتارى 13,3 پايىزعا دەيىن تومەندەيدى
بۇل تۋرالى «قازاقپارات» ح ا ءا- نىڭ رەسمي ساۋالىنا وراي ق ر ينۆەستيتسيالار جانە دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتىنەن حابارلادى.
«قازىرگى ۋاقىتتا جاڭا كولىك قۇرالدارىنىڭ ورتاشا يمپورتتىق سالىق ستاۆكاسى شامامەن 27,9 پايىزدى قۇرايدى. قازاقستان د س ۇ- عا كىرگەننەن كەيىن ستاۆكا دەڭگەيى 13,3 پايىزعا دەيىن تومەندەيدى. بۇل رەتتە جىل سايىن يمپورتتىق سالىق 0,5-0,6 پايىزعا تومەندەپ، قورىتىندىسىندا 10,8 پايىزدىق ورتاشا دەڭگەيگە جەتەدى»، - دەدى ۆەدومستۆودان.
دەگەنمەن، بۇرىن قولدانىلعان اۆتوموبيلدەرگە يمپورتتىق سالىقتىڭ جوعارى دەڭگەيى 25 پايىز كولەمىندە قالا بەرەدى. ءبىراق، كەزەڭ- كەزەڭىمەن يمپورتتىق سالىق 15 پايىزعا دەيىن تومەندەتىلەدى. ال اۆتوبۋستار مەن جۇك كولىكتەرىنىڭ يمپورتتىق سالىعى شامامەن تاۋار قۇنىنىڭ 10 پايىزىن قۇرايتىن بولادى.
