بۇرشاق، جاڭبىر، ۇسىك: 12-مامىر كۇنگى اۋا رايى بولجامى
«اتموسفەرالىق فرونتالدى بولىكتەردىڭ وتۋىمەن قازاقستاننىڭ باسىم بولىگىندە جاڭبىر مەن نايزاعاي كۇتىلەدى.
كۇندىز ەلىمىزدىڭ باتىسىندا بۇرشاق جاۋادى.
رەسپۋبليكا بويىنشا جەل كۇشەيىپ، سولتۇستىك- باتىستا، سولتۇستىكتە تۇمان بولجانادى.
اقمولا، سولتۇستىك قازاقستان جانە پاۆلودار وبلىستارىنىڭ سولتۇستىگىندە، قوستاناي وبلىسىنىڭ شىعىسىندا 2 گرادۋس ۇسىك كۇتىلەدى.
قىزىلوردا وبلىسىندا توتەنشە ءورت قاۋپى ساقتالادى.
تۇركىستان وبلىسىنىڭ سولتۇستىگى مەن ورتالىعىندا توتەنشە ءورت ءقاۋپى بولجانادى»، - دەلىنگەن سينوپتيكتەر مالىمەتىندە.
