بۇرىنعى قورعانىس ءمينيسترى مۇرات بەكتانوۆ 12 جىلعا سوتتالدى

«م. بەكتانوۆ قازاقستان رەسپۋبليكاسى قىلمىستىق كودەكسىنىڭ 451-بابىنىڭ 3-بولىگى بويىنشا قىلمىستىق ىستەر جونىندەگى مامانداندىرىلعان اۋدانارالىق اسكەري سوتىنىڭ 24.02.2023 -جىلعى ۇكىمىمەن سوتتالدى. وعان ەڭ جوعارى قاۋىپسىزدىك قىلمىستىق- اتقارۋ جۇيەسى مەكەمەسىندە جازاسىن وتەي وتىرىپ، 12 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى»، - دەپ حابارلادى سوتتان.

اتالعان قىلمىستىق ءىستىڭ «قۇپيا» تۇردە قارالۋىنا بايلانىستى سوت تولىق اقپارات بەرە المادى.

ەسكە سالايىق، بىلتىر 21-اقپاندا بۇرىنعى قورعانىس ءمينيسترى مۇرات بەكتانوۆ ۇستالىپ، ۋاقىتشا ۇستاۋ يزولياتورىنا قامالدى. ول تۋرالى باس پروكۋراتۋرا حابارلاعان ەدى.

بيىل قاڭتاردا ەكس- مينيستر مۇرات بەكتانوۆتىڭ زاڭسىز بۇيرىق بەرگەنى انىقتالدى.

«تارتىپسىزدىككە قاتىسقاندار، اسىرەسە، الماتىدا سانى جاعىنان باسىم بولعان. ولار قورشاۋدى بۇزعان، پوليتسيا مەن ۇلتتىق ۇلان كۇشتەرىن باسىپ، حالىققا زورلىق- زومبىلىق جاساعان. سونىڭ سالدارىنان قىلمىسكەرلەر قولىنان ادامدار قازا بولعان، قالالار تونالعان جانە ورتەلگەن. سوندىقتان بەكتانوۆ ۇرىس جاعدايىندا جاسالعان بيلىكتى اسىرا پايدالانۋ بويىنشا ايىپتالىپ وتىر (ق ك- ءنىڭ 451-بابىنىڭ 3-بولىگى). سوت ونىڭ ءىس- ارەكەتتەرىنە تۇپكىلىكتى باعا بەرەدى جانە ونىڭ جازاسىن انىقتايدى»، - دەگەن ەدى باس پروكۋرورى بەرىك اسىلوۆ.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى