ناۋرىزدا قازاقستاندىقتار 12 كۇن دەمالادى
ناۋرىز ايىندا 2 مەملەكەتتىك مەرەكە بار. قازاقستان رەسپۋبليكاسىنداعى مەرەكەلەر تۋرالى زاڭعا سايكەس، بۇل كۇندەر دەمالىس سانالادى.
ونىڭ ءبىرى – 8-ناۋرىزدا اتالىپ وتىلەتىن ايەلدەردىڭ حالىقارالىق كۇنى. بۇل كۇن بيىل سارسەنبىگە كەلىپ تۇر.
ال ەكىنشىسى - مەملەكەتتىك ناۋرىز مەيرامى. مەرەكەنى قازاقستاندىقتار 3 كۇن، ياعني 21، 22، 23 كۇندەرى تويلايدى. بيىل ناۋرىز مەيرامدارى سەيسەنبى، سارسەنبى، بەيسەنبى كۇندەرگە تۇسپا- تۇس كەلەدى. ادەتتە مۇنداي جاعدايدا قر ەڭبەك كودەكسىنىڭ 85-بابىنىڭ 3-تارماعىنا سايكەس، مەرەكە كۇندەرى كەزىندە جۇمىس ۋاقىتىن ءتيىمدى پايدالانۋ ماقساتىندا ۇكىمەت دەمالىس كۇندەرىن باسقا جۇمىس كۇندەرىنە اۋىستىراتىن.
ءبىراق، بۇل جولى ۇكىمەتتىڭ ءتيىستى قاۋلىسى جاريالانعان جوق. وعان 19-ناۋرىزدا وتەتىن كەزەكتەن تىس ءماجىلىس پەن جەرگىلىكتى ءماسليحاتتار دەپۋتاتتارىنىڭ سايلاۋى سەبەپ بولۋى ءمۇمىن. سولايشا، 18، 19-ناۋرىز - سەنبى، جەكسەنبى دەمالىستارى، 20-ناۋرىز - جۇمىس كۇنى، ودان ءارى 21-23-ناۋرىز - مەملەكەتتىك مەيرام.
سوندىقتان ناۋرىز ايىندا مەرەكە كۇندەرىن قوسا العاندا اپتاسىنا 5 كۇن جۇمىس ىستەيتىن قازاقستاندىقتار – 12، ال اپتاسىنا 6 كۇن جۇمىس ىستەيتىندەر 8 كۇن دەمالادى.
