شىلدەنىڭ 12 سىنە دەيىن سبەربانك سالىمشىلارى قارجىسىن باسقا بانكتەرگە اۋدارا الادى

بۇل تۋرالى ق ر قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسى ءمادينا ءابىلقاسىموۆا ءمالىم ەتتى، دەپ حابارلايدى قازاقپارات ءتىلشىسى.

«سبەربانك ماسەلەسىنە توقتالساق، 12-شىلدەگە دەيىن بۇل بانك كليەنتتەر ءۇشىن كەز كەلگەن وپەراتسيانى جۇرگىزە الادى. ونىڭ ىشىندە شەتەل ۆاليۋتاسىنداعى وپەراتسيالار دا قامتىلادى»، - دەدى م. ءابىلقاسىموۆا ماجىلىستە تىلشىلەر ساۋالىنا جاۋاپ بەرە وتىرىپ.

وسى ورايدا اگەنتتىك باسشىسى اتالعان بانك وسى مەرزىم ارالىعىندا دەپوزيتتەر مەن زاڭدى ءارى جەكە تۇلعالاردىڭ سالىمدارىن، شەتەل ۆاليۋتاسىن باسقا بانكتەرگە اۋدارا الاتىنىن ايتتى.

«كليەنتتىڭ ءوتىنىمى بويىنشا سالىمداردى باسقا بانككە اۋدارۋ مۇمكىندىگى جاسالادى، ياعني وسى وپەراتسيالاردىڭ بارلىعى ورىندالادى»، - دەپ ءتۇسىندىردى ول.

ونىڭ سوزىنە قاراعاندا، ال ۇلتتىق ۆاليۋتاداعى وپەراتسيالار سانكتسيالار ەنگىزىلگەننەن كەيىن دە ىسكە اسىرىلا بەرەدى.

«رەسەيلىك ءۇش بانكتەن باسقا قازاقستاندىق بانكتەرگە قاراجاتتىڭ قوماقتى سومادا اۋدارىلۋىن بايقادىق. ءتيىستى شەكتەۋلەر بانك قىزمەتىنە ايتارلىقتاي ىقپال ەتەتىنىن تۇسىنە وتىرىپ، سبەربانك قازاقستان مەن ۆ ت ب بانكى مەنشىك يەسىن اۋىستىرۋ ءۇشىن جاڭا ينۆەستور ىزدەپ جاتىر. ولار بانكتى يەلەنەتىن الەۋەتتى ينۆەستوردى انىقتاعاننان كەيىن، قر قارجى نارىعىن رەتتەۋ جانە دامىتۋ اگەنتتىگى ا ق ش- تىڭ وكىلەتتى ورگاندارىنان رۇقسات الۋعا قولداۋ كورسەتەدى، ياعني سانكتسيا تىزىمىنەن شىعارۋ قادامدارى جۇرگىزىلەدى»، - دەدى ءمادينا ءابىلقاسىموۆا.

بۇدان بۇرىن حابارلانعانداي، اگەنتتىك باسشىسى ءۇش رەسەيلىك بانك بويىنشا ءبىرقاتار كليەنتتىڭ شوتتارى 3 ميلليارد تەڭگەگە بۇعاتتالعانىن ايتتى. سونىمەن قاتار سەنتركرەديت بانك سانكتسيا تىزىمىنەن الفا- بانكتى شىعارۋ قادامدارىن باستايدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى