شىعىس قازاقستاندا مال ۇرلىعىمەن اينالىسقان 12 ادام ۇستالدى

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى ءوڭىر اۋماعىندا «مال ۇرلىعى» جەدەل الدىن الۋ شاراسىن جۇرگىزگەن.

سونىڭ ناتيجەسىندە، 10 كۇن ىشىندە 21 قىلمىس اشىلدى.

«سونداي-اق مال ۇرلىعىمەن اينالىسقان 12 ادام ۇستالدى. مىسالى، زايسان اۋدانىندا جايىلىمنان جالپى قۇنى 3000000 تەڭگەدەن اساتىن 10 باس مال ۇرلاعان 38 جاستاعى اۋىل تۇرعىنى قۇرىقتالدى. قازىرگى ۋاقىتتا وعان قاتىستى ق ر ق ك-نىڭ 188-بابى 1-بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە»، - دەلىنگەن اقپاراتتا.

بۇدان بولەك، مال جانە ەت ونىمدەرىن تاسىمالداعان 1500 دەن استام اۆتوكولىك، 1137 شارۋا قوجالىعى جانە مال جانە ەت ونىمدەرىن ساتاتىن 500-دەن استام بازارلار، دۇكەندەر مەن پاۆيلوندار تەكسەرىلدى. مال جايۋ ەرەجەلەرىن بۇزعانى ءۇشىن 336 ادام اكىمشىلىك جاۋاپكەرشىلىككە تارتىلدى. 1000 نان استام قاراۋسىز جايىلعان مال ارنايى تۇراققا قامالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى