سوڭعى ءۇش ايدا جول-كولىك وقيعاسىنان قازا بولعاندار سانى %12 عا وسكەن - ءى ءى م

«جول قاۋىپسىزدىگىن قامتاماسىز ەتۋ - ىشكى ىستەر ورگاندارىنىڭ باستى مىندەتتەرىنىڭ ءبىرى. جالپى ەلدەگى جول قاۋىپسىزدىگىنىڭ جاي- كۇيى اپاتتىلىقتىڭ جەكەلەگەن كورسەتكىشتەرىن تومەندەتۋگە ىقپال ەتتى. رەسپۋبليكادا ەڭ كوپ جول اپاتى 2013 -جىلى تىركەلگەن ەدى، وندا 23359 جول-كولىك وقيعاسى تىركەلىپ، 3037 ادام قازا تاپتى جانە 30 مىڭعا جۋىق (29872) جاراقات الدى»، - دەدى سەرىك ءتۇسىپوۆ مينيسترلىكتە وتكەن ونلاين بريفينگىدە.

سوڭعى جەتى جىلدا، 2013-2020 -جىلدارى ىشكى ىستەر مينيسترلىگى مەن مۇددەلى مەملەكەتتىك ورگاندار قابىلداعان كەشەندى شارالار ارقىلى جول-كولىك وقيعاسى سانى ەكى ەسەگە نەمەسە %42 عا ازايدى. ال قازا بولعاندار سانى %34 عا، جاراقات العاندار - %40 عا تومەندەگەن. 2020 -جىلى پاندەمياعا بايلانىستى كارانتين شارالارى كەزىندە وبلىسارالىق تاسىمالدار شەكتەلىپ، تۇرعىنداردىڭ كولىكپەن ءجۇرۋى ازايعاندىقتان، اپات كورسەتكىشتەرى دە ازايدى: جول-كولىك وقيعاسى - %19 عا، قازا تاپقاندار - %17 عا جانە جارالانعاندار - %20 عا.

«سونىمەن بىرگە، جىل باسىنان بەرى قوزعالىس قارقىنى قايتا وسكەنىن، ەل اۆتوپاركىنىڭ تەحنيكالىق جاعدايىن، جول-كولىك ينفراقۇرىلىمىن دامىتۋ جونىندەگى شارالاردىڭ جەتكىلىكسىزدىگىن ەسكەرە وتىرىپ، جەكەلەگەن اپات كورسەتكىشتەرىنىڭ ءوسۋى بايقالادى. ماسەلەن، بيىلعى ءۇش ايدا جول-كولىك وقيعاسى سانى %4 عا (2740 تان 2621 گە دەيىن) جانە جارالىلار سانى %1 عا (3634 تەن 3605 كە دەيىن) تومەندەگەن بولسا، قازا بولعاندار سانى %12 عا - 325 تەن 363 كە دەيىن وسكەن»، - دەيدى س. ءتۇسىپوۆ.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى