قىزىلوردادا 12 توننا پروپان تاسىمالداپ بارا جاتقان كولىك ورتەندى
وقيعا 13-جەلتوقساندا قىزىلوردا قالاسى « قىزىلوردا- جەزقازعان» تاسجولىنىڭ بويىندا بولدى. توتەنشە جاعدايلار قىزمەتىنە جولدا جۇك كولىگى جانىپ جاتقاندىعى جونىندە حابارلاما تۇسكەن.
«وقيعا ورنىنا ءورت ءسوندىرۋ قىزمەتىنىڭ جەكە قۇرامى جەدەل جەتىپ، «ازيمۋت» ج ش س- عا قاراستى پروپان تاسىمالدايتىن 12 توننالىق MAN ماركالى جۇك كولىگىنىڭ الدىڭعى بولىگى جانىپ جاتقانىن انىقتادى. ءورت سوندىرۋشىلەردىڭ جەدەل ءىس- قيمىلىنىڭ ارقاسىندا 12 توننا پروپاننىڭ جارىلۋىنا جول بەرىلگەن جوق. جۇك كولىگى شىمكەنت قالاسىنان اقشابۇلاق كەن ورنىنا بارا جاتقان. ءورت تولىعىمەن جويىلدى. زارداپ شەككەندەر جوق. ءورتتىڭ شىعۋ سەبەبى مەن شىعىنى انىقتالۋ ۇستىندە»، دەپ ءمالىم ەتتى قىزىلوردا وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ مامانى ايگۇل نۇرمانوۆا.
