بالىق اۋلاۋ ماۋسىمى باستالعالى 12 ادام سۋعا باتىپ كەتتى

اڭ جانە بالىق اۋلاۋ ماۋسىمى باستالعاننان بەرى (1-قازان-22-قاراشا) ەلدىڭ سۋ ايدىندارىندا 12 ادام، ونىڭ ىشىندە 1 بالا قازا تاپتى. بالىق اۋلاۋ كەزىندە ەرەجە ساقتاماعان 11 ادام قازا تاپتى جانە ەرەسەك ادامداردىڭ قاراۋىنسىز قالعان 1 بالا ابايسىزدا سۋعا قۇلاپ، باتىپ كەتتى.

بيىل قازا بولعاندار اقمولا، الماتى، قوستاناي، قىزىلوردا، ماڭعىستاۋ، تۇركىستان وبلىستارىندا تىركەلدى.

ماسەلەن، وتكەن كۇز- قىس ماۋسىمىندا (2019 -جىلعى 1-قازاننان باستاپ 2020 -جىلعى 1-ناۋرىزعا دەيىن) ەلىمىزدىڭ سۋ ايدىندارىندا 37 ادام (ونىڭ ىشىندە 10 بالا) كوز جۇمعان.

جازاتايىم وقيعانىڭ نەگىزگى سەبەپتەرى:

- 19 ادام بالىق اۋلاۋ كەزىندە (جاعالاۋدان نەمەسە قايىقتان) سۋعا قۇلاعان؛

- 7 ادام بالىق اۋلاۋ كەزىندە مۇز استىنا ءتۇسىپ كەتكەن؛

- ويناپ ءجۇرىپ 8 بالا مۇز استىنا ءتۇسىپ كەتكەن، 2 بالا سۋعا قۇلاعان؛

- 1 ادام مۇز وتكەلى ارقىلى ءوتىپ بارا جاتقاندا قۇلاعان. اۋماق بويىنشا الىپ قاراساق، قازا بولعاندار اقمولا، اتىراۋ، الماتى، اقتوبە، شىعىس- قازاقستان، جامبىل، باتىس- قازاقستان، قوستاناي، قاراعاندى، سولتۇستىك قازاقستان وبلىستارىنىڭ جانە الماتى قالاسىندا تىركەلدى.

قىس مەزگىلىندە سۋ ايدىنىندا قاتاڭ ساقتالۋعا ءتيىس قاۋىپسىزدىك ەرەجەلەرى:

- تاۋلىكتىڭ قاراڭعى ۋاقىتىندا جانە ناشار كورىنگەن كەزدە مۇزعا شىقپاڭىز؛

- مۇزدىڭ جۇقا جانە قاتپاعان جەرىنە شىقپاڭىز؛

- مۇزدىڭ جەكەلەگەن ۋچاسكەلەرىندە توپپەن جينالۋعا بولمايدى؛

- مۇزداعى شۇڭقىرلارعا، جارىقتارعا، ويىقتارعا جاقىنداماڭىز؛

- اۆتوموبيلمەن وتكەلدەن تىس جەرگە شىقپاڭىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى