12-قاراشادا قازاقستاندا وتەتىن ماڭىزدى شارالار اڭداتپاسى

نۇر- سۇلتان

9.00-دە www.astanamediaweek.kz پلاتفورماسىندا Astana Media Week 2020 مەديا اپتالىعىنىڭ ەكىنشى كۇنى وتەدى.

10.00-دە سەناتتىڭ كەزەكتى وتىرىسى باستالادى.

11.00-دە ق ر اقپارات جانە قوعامدىق دامۋ ءمينيسترى ايدا بالايەۆانىڭ توراعالىعىمەن اقپاراتقا قول جەتكىزۋ ماسەلەلەرى جونىندەگى كوميسسيا وتىرىسى ونلاين فورماتتا وتەدى. وتىرىس ترانسلياتسياسى اقپارات جانە قوعامدىق دامۋ مينيسترلىگىنىڭ Facebook-تەگى رەسمي پاراقشاسىنان كورسەتىلەدى.

12.30-دا ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە قاراعاندى وبلىسىنىڭ اكىمى جەڭىس قاسىمبەك مەملەكەت باسشىسىنىڭ جولداۋى اياسىنداعى ءوڭىردىڭ دامۋى تۋرالى باسپا ءسوز ءماسليحاتىن وتكىزەدى.

15.00-دە قارجى ماماندىعى بويىنشا بوس جۇمىس ورىندارىنىڭ جارمەڭكەسى ونلاين فورماتتا وتەدى.

16.30-دا ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە قازىرگى ەپيدەميولوگيالىق جاعداي مەن كارانتيندىك شارالاردى كۇشەيتۋ تۋرالى باسپا ءسوز ءماسليحاتى وتەدى. وعان ق ر دەنساۋلىق ساقتاۋ ۆيتسە- ءمينيسترى، باس مەملەكەتتىك سانيتاريالىق دارىگەر ەرلان قياسوۆ، ق ر دسم سانيتارلىق- ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتانايەۆ، جۇقپالى اۋرۋلار دارىگەرى، «استانا مەديتسينالىق ۋنيۆەرسيتەتى» كەاق، بالالار جۇقپالى اۋرۋلارى كافەدراسىنىڭ دوتسەنتى بايان تۇردالينا قاتىسادى.

الماتى

11.00-دە الماتى قالاسى ستراتەگيا جانە بيۋدجەت باسقارماسىنىڭ باسشىسى الماس باتانوۆ «قاتىسۋ بيۋدجەتى» جوباسى اياسىندا داۋىس بەرۋدىڭ باستالۋى تۋرالى ونلاين- بريفينگ وتكىزەدى.

14.00-دە بوستاندىق اۋدانىنداعى مونيتورينگ توپتارىنىڭ جۇمىسى جانە الەۋمەتتىك جوبالاردىڭ ىسكە اسىرىلۋى تۋرالى ونلاين- بريفينگ وتەدى. سپيكەر رەتىندە الماتى قالاسى بوستاندىق اۋدانى اكىمىنىڭ ورىنباسارى جانار ءسادۋاقاسوۆ قاتىسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى