وسكەمەن تۇرعىنى 12 قاباتتى ءۇيدىڭ شاتىرىنان سەكىرمەك بولدى
قالالىق پوليتسيا باسقارماسى باسپا ءسوز قىزمەتىنىڭ مالىمەتىنە سۇيەنسەك، 6 - قاراشا كۇنى ساعات 14.30-دا ءتارتىپ ساقشىلارى شەكتەۋ شارالارىنا بايلانىستى كوشەلەردى پاترۋلدەۋ كەزىندە 12 قاباتتى ءۇيدىڭ شاتىرىندا وتىرعان ادامدى بايقاپ قالعان. پوليتسەيلەر مۇنى بىردەن جەدەل باسقارۋ ورتالىعىنا حابارلايدى. ۋچاسكەلىك پوليتسيا ينسپەكتورى، پوليتسيا كاپيتانى بەرىك جۇماعازى دەرەۋ سول كوپقاباتتى ۇيگە قاراي جۇگىرگەن.
«12 - قاباتقا كوتەرىلگەن ۋچاسكەلىك ينسپەكتور شاتىرعا شىعاتىن ەسىكتىڭ سىرتىنان جابىق تۇرعانىن بايقايدى. ەسىكتى بۇزىپ اشقان ول وقيعا ورنىنا كەلىپ جەتكەن ت ج د مامانىمەن بىرگە ەر ادامدى سۋيتسيد جاساماۋعا كوندىرەدى. وسىلايشا، ءتۇسىندىرۋ جۇمىستارىنان كەيىن ومىردەگى قيىندىقتارعا بايلانىستى ءوز- وزىنە قول جۇمساعىسى كەلگەن ازامات بۇل ويىنان باس تارتتى» ، - دەپ حابارلادى ۆەدومستۆو وكىلدەرى.
